Niharika Love Story: మెగా డాటర్ నిహారిక కొణిదెల మరోసారి తన వ్యక్తిగత జీవితంతో వార్తల్లో నిలిచింది. తాజాగా ఆమె ఇన్‌స్టాగ్రామ్‌లో పోస్ట్ లో చేసిన ఒక మెసేజ్.. ఇప్పుడు అందరిలో ఆసక్తిని రేకెత్తిస్తోంది. ఇంతకీ అసలు ఆ మెసేజ్ ఏమిటి అన్న విషయం ఒకసారి చూద్దాం..
మెగాస్టార్ కుటుంబంలో ప్రత్యేక గుర్తింపు తెచ్చుకున్న నిహారిక కొణిదెల ఇటీవల తన వ్యక్తిగత జీవితంతో మరోసారి వార్తల్లో నిలిచింది. నాగబాబు కుమార్తెగా, టాలీవుడ్‌లో తనదైన గుర్తింపును పొందిన నిహారిక.. ప్రస్తుతం ఇంస్టాగ్రామ్ లో షేర్ చేసిన పోస్ట్ అందరిని ఆకట్టుకుంటుంది.
నిహారిక తొలుత యాంకర్‌గా, తరువాత హీరోయిన్‌గా తెలుగు సినీ పరిశ్రమలో అడుగుపెట్టింది. అయితే నటిగా పెద్దగా విజయాలు సాధించలేకపోయినా.. వెబ్‌సిరీస్‌లు, నిర్మాతగా తనదైన మార్గాన్ని ఏర్పరుచుకుంది. ‘కమిటీ కుర్రోళ్లు’ సినిమాతో మంచి గుర్తింపు తెచ్చుకున్న నిహారిక, కొత్త ప్రాజెక్ట్స్ కోసం ఎదురుచూస్తోంది.
ఈ క్రమంలో..ఇటీవల నిహారిక తన ఇన్‌స్టాగ్రామ్‌లో షేర్ చేసిన ఓ పోస్ట్ ఆసక్తికర చర్చలకు దారి తీసింది. “నేను అతడిని ప్రేమిస్తున్నాను.అంబటి భార్గవి మా ఫ్రెండ్‌షిప్ మధ్యలోకి నువ్వు రావద్దు. ఒకేనా ధన్యవాదాలు” అంటూ షేర్ చేసిన మెసేజ్‌తోపాటు, రెడ్ హార్ట్ ఎమోజీలను జతచేసింది. అయితే ఈ పోస్ట్ ఎవరికోసం? అనే విషయం వెల్లడించలేదు.
అసలు విషయానికి వస్తే.. ఒక బుద్దోడి రాసుకున్న నోట్స్ లోని ఒక పేజీ షేర్ చేసింది నిహారిక. అందులో ‘తను మా అమ్మ బెస్ట్ ఫ్రెండ్.. కాదు నా బెస్ట్ ఫ్రెండ్..’అని ఇంగ్లీషులో రాసి ఉంది. ఈ పోస్ట్ ని షేర్ చేస్తూనే పైన మెసేజ్ పెట్టింది నిహారిక. మరి ఇదేదన్నా సినిమా ప్రమోషన్స్ కోసమా లేకపోతే తనకు తెలిసిన చిన్న బాబు నోట్స్ షేర్ చేసిందా అనేది తెలియాల్సి ఉంది.
కాగా గతంలో నిహారిక పెళ్లయి విడాకుల తీసుకున్న సంగతి తెలిసిందే. ఇక ఆ తర్వాత.. ఈ హీరోయిన్ సినిమాలతో బిజీగా మారిపోయింది. మరి ఈమె మళ్లీ ప్రేమలో పడే ఆలోచన ఉందా లేదా అనే విషయం తెలియాల్సి ఉంది.
