Paneer Cutlet Recipe: ఆధునిక జీవన విధానంలో జంక్ ఫుడ్స్ కారణంగా వివిధ రకాల అనారోగ్య సమస్యలు ఉత్పన్నమౌతున్నాయి. ముఖ్యంగా పిల్లల్లో ఈ పరిస్థితి అధికంగా ఉంటోంది. అందుకే పిల్లలకు ఎప్పుడూ పోషక విలువలు ఎక్కువగా ఉండే ఆహార పదార్ధాలు ఇవ్వాలి.
Paneer Cutlet Recipe: మరి పోషక విలువలు అధికంగా ఉండటమే కాకుండా రుచికరంగా ఉండాలంటే ఏం చేయాలనే టెన్షన్ ఉంటుంది. దీనికోసం పన్నీర్ కట్లెట్ బెస్ట్ ఆప్షన్. ఇది చాలా హెల్తీ ఫుడ్. ఇది ఎలా తయారు చేయాలో సులభంగా తెలుసుకుందాం
పన్నీర్ కట్లెట్ తయారీకు ఏం కావాలి 250 గ్రాముల పన్నీర్, 2 ఉడకబెట్టిన బంగాళదుంపలు, ఒక ఉల్లిపాయ, 1 పచ్చిమిర్చి, కొద్దిగా అల్లం. రెడ్ మిర్చ్ పౌడర్, ధనియా పౌడర్, పసుపు, గరం మసాలా, ఉప్పు, శెనగ పిండి, బ్రెడ్, ఆయిల్
ఏం చేయాలి ముందుగా పన్నీరు గుజ్జుగా చేసుకోవాలి. ఉడకబెట్టిన బంగాళ దుంప కూడా గుజ్జు చేసుకోవాలి. ఆ తరువాత ఉల్లిపాయ, పచ్చిమిర్చి, అల్లం సన్నగా కోసుకోవాలి.
పేస్ట్ ఇప్పుడు ఓ గిన్నెలో గుజ్జుగా చేసుకున్న పన్నీర్, బంగాళదుంపతో పాటు కట్ చేసిన ఉల్లి, పచ్చిమిర్చి, అల్లం వేసి అందులో కారం, ధనియా పౌడర్, కొద్దిగా పసుపు, గరం మసాలా, ఉప్పు వేసి బాగా కలుపుకోవాలి
ఆ తరువాత ఈ మిశ్రమాన్ని చిన్న చిన్న కట్‌లెట్స్‌గా చేసుకుని ఉంచుకోవాలి. ఇప్పుడు మరో గిన్నెలో సెనగ పిండి కలుపుకోవాలి. ఇందులో కట్లెట్ ముంచి బ్రెడ్‌లో చుట్టాలి
ఇప్పుడు కడాయిలో నూనె వేడి చేసి అందులో ఒక్కొక్క కట్లెట్ వేసి వేయించుకోవాలి. వీటిని టొమాటో సాస్ లేదా పచ్చి చట్నీతో తీసుకుంటే టేస్టీగా హెల్తీగా ఉంటుంది.
