Ram Charan: రామ్ చరణ్ తెలుగులో మెగాస్టార్ తనయుడిగా అడుగుపెట్టి గ్లోబల్ స్టార్ గా సత్తా చాటుతున్నాడు. త్వరలో శంకర్ దర్శకత్వంలో చేసిన ‘గేమ్ ఛేంజర్’ మూవీతో పలకరించబోతున్నాుడు. ఆ తర్వాత బుజ్జిబాబు సన దర్శకత్వంలో నెక్ట్స్ మూవీ చేయబోతున్నాడు. ఈ నేపథ్యంలో రామ్ చరణ్ .. కడప దర్గాను సందర్శించడం వివాదాస్పదమవుతోంది.
Ram Charan: రామ్ చరణ్.. కడప దర్గాను దర్శిస్తే తప్పేంటి అనుకుంటున్నారా.. మాములుగా ఎవరైనా ఏ మతాన్నైనా ఆరాధించవచ్చు. అందులో ఎవరికీ ఎలాంటి అభ్యంతరాలు లేవు. కానీ పవిత్రమైన అయ్యప్ప స్వామి మాల వేసుకొని రామ్ చరణ్.. దర్గాను సందర్శించడంపై అయ్యప్ప స్వాములు మండిపడుతున్నారు.
ఇస్లామ్ మతంలో దర్గా ఓ భాగం.. అక్కడ మాములుగా ఎవరు సందర్శించినా ఎవరికీ ఎలాంటి అభ్యంతరాలు లేవు. కానీ అయ్యప్ప స్వామి మాలలో రామ్ చరణ్ సందర్శించడంపై అయ్యప్ప స్వాములతో పాటు పలు హిందూ సంఘాలు మండిపడుతున్నారు. దర్గా అంటే ఓ సమాధి. దాన్ని సందర్శిస్తే మాలను తీసివేయాలి.
మరోవైపు శబరిమల అయ్యప్ప సన్నిధిలో కూడా వావర్ స్వామి అనే ముస్లిమ్ భక్తుడి సమాధి కూడా ఉంది. అయ్యప్ప భక్తులు విధిగా సందర్శిస్తుంటారు. అక్కడ లేని తప్పు ఇక్కడ ఎందుకు వచ్చిందనేదే ప్రశ్న వస్తోంది.
అయితే.. మరికొందరు స్వాములు మాత్రం.. వావర్ స్వామి అనేది ఓ కట్టుకథ. హిందూ భక్తులను తప్పు దారి పట్టించడానికే వావర్ స్వామి అనే ఓ ముస్లిమ్ భక్తుడిని సృష్టించి ఓ సమాధిని క్రియేట్ చేసినట్టు చెబుతుంటారు.
గత కొంత కాలంగా అయ్యప్ప భక్తులు వావర్ స్వామిని దర్శించడం లేదు. అది సనాతన ధర్మంలో భాగం కాదనే ఉద్దేశ్యంతో కొంత కాలంగా వావర్ స్వామిని దర్శించుకోవడం లేదు. మాములుగా ఉండి చర్చి, మసీదు, దర్గా ఎక్కడికి వెళ్లినా ఎలాంటి అభ్యంతరాలు ఉండవు.
కానీ అయ్యప్ప స్వామి మాల వేసుకున్న తర్వాత మండలం దీక్షతో పాటు పలు నియమాలున్నాయి. అలా మాల వేసుకొని ఎక్కడి పడితే అక్కడ తిరగకూడదనే నియమాలున్నాయి. అయ్యప్ప మాలలో దర్గా సందర్శించడంపై రామ్ చరణ్ ఎలాంటి సమాధానం చెబుతాడో చూడాలి.
