Pending DAs in Telangana: పెండింగ్‌లో ఉన్న ఐదు డీఏలు ఇవ్వాలని చాలా రోజులుగా తెలంగాణ ప్రభుత్వ ఉద్యోగులు డిమాండ్ చేస్తున్న విషయం తెలిసిందే. దీపావళి సందర్భంగా తమకు డీఏలను రిలీజ్ చేయాలని ఇటీవల సమావేశంలో కోరారు. ఈ నేపథ్యంలోనే సీఎం రేవంత్ రెడ్డి నేడు ఉద్యోగ సంఘాల నాయకులతో భేటీకి ఆహ్వానం పంపించారు. పెండింగ్ డీఏలకు గ్రీన్ సిగ్నల్ ఇస్తారని ఉద్యోగులు నమ్మకంతో ఉన్నారు.
బంజారాహిల్స్ కమాండ్ కంట్రోల్ సెంటర్‌లో ఉద్యోగ సంఘాల నాయకులతో సీఎం రేవంత్ రెడ్డి సమావేశం కానున్నారు.
ఈ సమావేశంలో 30 మంది డెలిగేట్స్ పాల్గొననున్నారు. సీఎం రేవంత్ రెడ్డి ముందు 6 ప్రధాన డిమాండ్లు ఉంచనున్నారు.
ఉద్యోగుల ఇతర 51 సమస్యలను ముఖ్యమంత్రి దృష్టికి తీసుకువెళ్లనున్నారు.
త్వరలో క్యాబినెట్ సమావేశం నేపథ్యంలో ఎంప్లాయీస్ యూనియన్స్‌తో సీఎం భేటీ ప్రాధాన్యత సంతరించుకుంది.
పెండింగ్ డీఏలకు తెలంగాణ సర్కారు గ్రీన్ సిగ్నల్ ఇస్తే.. ఉద్యోగులకు భారీ లబ్ధి చేకూరనుంది. ఈ విషయంపై మరికాసేపట్లో స్పష్టత రానుంది.
