Tollywood Hit Combinations Part 2: సినీ ఇండస్ట్రీలో ఒక దర్శకుడు, హీరో కాంబినేషన్‌లో సినిమా హిట్ అయితే ఆ కలయికలో మరో సినిమా కోసం అభిమానులు కళ్లు కాయలు కాసేలా ఎదురు చూస్తాంటారు. ఈ కోవలో కథ కంటే ముందు కాంబినేషన్‌కు ఎక్కువ ఇంపార్టెన్స్ ఇస్తున్నారు. అలా కాంబినేషన్‌తో సినిమా పై ఇంట్రెస్ట్ క్రియేట్ చేస్తోన్న ప్రాజెక్ట్స్ ఏంటో మీరు ఓ లుక్కేయండి..
ప్రభాస్ - ప్రశాంత్ నీల్.. ప్రభాస్, ప్రశాంత్ నీల్ కాంబినేషన్‌లో వచ్చిన 'సలార్ సీజ్ ఫైర్ పార్ట్ -1' బాక్సాఫీస్ దగ్గర బ్లాక్ బస్టర్‌గా నిలిచింది. ఇపుడీ కాంబినేషన్‌లో 'సలార్ - 2 శౌర్యంగ పర్వం' రాబోతుంది. వచ్చే యేడాది ఈ సినిమా రిలీజ్ కానుంది.
రవితేజ - హరీష్ శంకర్ రవితేజ, హరీష్ శంకర్ కలయికలో గతంలో షాక్, మిరపకాయ్ వంటి సినిమాలొచ్చాయి. అందులో మిరపకాయ్ సినిమా హిట్టైయింది. ఇపుడు వీళ్ల కాంబినేషన్‌లో 'మిస్టర్ బచ్చన్'సినిమా రాబోతుంది.
రామ్ పోతినేని - పూరీ జగన్నాథ్ ఇస్మార్ట్ శంకర్ వంటి భారీ హిట్ తర్వాత రామ్ పోతినేని, పూరీ జగన్నాథ్ కలయికలో ఇపుడు 'డబుల్ ఇస్మార్ట్' సినిమా రాబోతుంది. ఈ సినిమాపై భారీ అంచనాలే ఉన్నాయి.
అల్లు అర్జున్ - త్రివిక్రమ్ అల్లు అర్జున్, త్రివిక్రమ్ కలయికలో జులాయి, సన్నాఫ్ సత్యమూర్తి, అల వైకుంఠపురములో సినిమాలతో హిట్రిక్ హిట్స్ నమోదు చేసారు. త్వరలో వీళ్ల కలయికలో నాల్గో సినిమా ప్రకటించారు. త్వరలో సెట్స్ పైకి వెళ్లనుంది.
బాలకృష్ణ, - పూరీ జగన్నాథ్ బాలకృష్ణ, పూరీ జగన్నాథ్ కలయికలో గతంలో 'పైసా వసూల్' సినిమా వచ్చింది. ఈ చిత్రం పెద్దగా సక్సెస్ సాధించలేదు. కానీ ఈ సినిమాలో బాలయ్యను పూరీ చూపించి విధానం ప్రేక్షకులకు నచ్చింది. అందులో వీళ్ల కలయికలో మరో సినిమా తెరకెక్కబోతున్నట్టు సమాచారం.
అల్లు అర్జున్ - బోయపాటి శ్రీను.. అల్లు అర్జున్ హీరోగా బోయపాటి శ్రీను తెరకెక్కించిన 'సరైనోడు' బాక్సాఫీస్ దగ్గర బ్లాక్ బస్టర్‌గా నిలిచింది. ఇపుడు వీళ్లిద్దరి కలయికలో మరో సినిమా రాబోతుంది.
