Tvs Jupiter 125 Cng Scooter: 226 కిలోమీటర్ల మైలేజీతో TVS జూపిటర్ 125 CNG స్కూటర్‌ త్వరలోనే అందుబాటులోకి రాబతోంది. ఇది అద్భుతమైన ఫీచర్స్‌ను కలిగి ఉండబోతోంది. అయితే దీనికి సంబంధించిన పూర్తి వివరాలు ఇప్పుడు తెలుసుకోండి.
Tvs Jupiter 125 Cng Scooter: మోటర్సైకిల్ కంపెనీ TVS గురించి పెద్ద పరిచయం అక్కర్లేదు. అద్భుతమైన ఫీచర్స్‌తో ఎప్పటికప్పుడు కొత్త కొత్త బైక్స్‌ను విడుదల చేస్తూ వస్తోంది. అంతేకాకుండా ఇటీవలే ఎలక్ట్రిక్‌ స్కూటర్స్‌ను లాంచ్ చేసి కూడా ప్రభంజనం సృష్టించింది. అయితే మార్కెట్‌లో వస్తున్న సీఎన్‌జీ స్కూటర్స్‌ను దృష్టిటో పెట్టుకుని TVS కీలక నిర్ణయం తీసుకుంది.
ప్రముఖ మోటర్సైకిల్ కంపెనీ TVS తమ స్కూటర్‌ సిరీస్‌లో మంచి ప్రజాదరణ లభించిన జూపిటర్ స్కూటర్‌ మళ్లీ రీ లాంచ్ చేయబోతోంది. అది కూడా సీఎన్‌జీ వేరియంట్‌లో.. ప్రస్తుతం ఈ స్కూటర్‌కి సంబంధించిన వివరాలు సోషల్ మీడియాలో విపరీతంగా వైరల్ అవుతున్నాయి.
TVS జూపిటర్ 125 CNG స్కూటర్‌కు సంబంధించిన లాంచ్ తేదిని అధికారికంగా ప్రకటించలేదు. కానీ త్వరలోనే వెల్లడించే అవకాశాలు ఉన్నట్లు తెలుస్తోంది. అలాగే ఈ స్కూటర్‌ ఒక్కసారి సిఎన్‌జీని ఫిల్ చేస్తే దాదాపు 226 కిలోమీటర్ల మైలేజీని అందిస్తుంది.
అలాగే ఈ TVS జూపిటర్ 125 CNG స్కూటర్‌ ఫీచర్స్‌, స్పెషిఫికేషన్స్‌ సోషల్ మీడియాలో విపరీతంగా వైరల్ అవుతున్నాయి. ఇక ఈ స్కూటర్‌ ధర వివరాల్లోకి వెళితే.. రూ. 95,000 నుంచి ప్రారంభమయ్యే అవకాశాలు ఉన్నాయి. అంతేకాకుండా ఇందులో పెంట్రోల్ ట్యాంక్‌ కూడా ఉండబోతున్నట్లు తెలుస్తోంది.
ఇక ఈ CNG స్కూటర్‌ మోస్ట్‌ పవర్‌ఫుల్‌ 124.8cc ఎయిర్-కూల్డ్, సింగిల్-సిలిండర్ ఇంజన్‌తో అందుబాటులోకి రానుంది. అంతేకాకుండా ఈ ఇంజన్‌ను దూర ప్రయాణాలు చేసేందుకు కూడా తయారు చేసినట్లు తెలుస్తోంది. త్వరలోనే కంపెనీ ఈ స్కూటర్‌కి సంబంధించిన అన్ని వివరాలను అధికారికంగా వెల్లడించనుంది.
విడుదల కాబోయే TVS జూపిటర్ 125 CNG స్కూటర్‌ గతంలో లాంచ్ చేసిన స్కూటర్‌ డిజైన్‌ను పోలి ఉంటుంది. కానీ ఇది విభిన్న కలర్‌ ఆప్షన్స్‌లో అందుబాటులోకి రానుంది. ఇక దీని ఇంధన సామర్థ్యం వివరాల్లోకి వెళితే.. ఇది 9.5-లీటర్ సిఎన్‌జి సిలిండర్‌ను కలిగి ఉంటుంది. ఒక్కసారి ఫిల్ చేస్తే దాదాపు 226 కిలోమీటర్ల వరకు మైలేజీని అందిస్తుంది.
