Urvashi Rautela: కొంత మంది భామలు తమ యాక్టింగ్ కన్నా.. గ్లామర్ తోనే పేరు తెచ్చుకుంటారు. అలాంటి వాళ్లలో ఊర్వశి రౌతెలా ఒకరు. అచ్చం ఊర్వశి ఇలా ఉంటుందేమో అనే రీతిలో ఈమె తన అంద చందాలతో ఆడియన్స్ ను అట్రాక్ట్ చేస్తోంది. తెలుగులో చిరంజీవి 'వాల్తేరు వీరయ్య'తో ఎంట్రీ ఇచ్చిన ఈ భామ.. ఆ తర్వాత పవన్ కళ్యాణ్ తో ‘బ్రో’.. తాజాగా ‘డాకు మహారాజ్’ మూవీతో పలకరించడానికి రెడీ అవుతోంది.
ఊర్వశి రౌతెలా బాలీవుడ్ లో యాక్షన్ స్టార్ సన్ని దేవోల్ హీరోగా నటించిన 'సింగ్ సాబ్ ది గ్రేట్' చిత్రంతో కథానాయికగా పరిచయమైంది. ప్రస్తుతం ఈమెకు సోషల్ మీడియాలో విపరీతమైన ఫాలోయింగ్ ఉంది.
ప్రస్తుతం తెలుగులో ఊర్వశి ఐటెం సాంగ్స్‌ కు కేరాఫ్ అడ్రస్ గా మారింది. ఇక్కడ తనకంటూ ప్రత్యేక ఫ్యాన్ బేస్ ఏర్పరుచుకుంది. ప్రస్తుతం ప్యాన్ ఇండియా లెవల్లో అన్ని భాషల్లో దూసుకుపోతుంది.
2015 జరిగిన అందాల పోటీల్లో మిస్ దివా.. మిస్ యూనివర్స్ ఇండియా కిరీటాన్ని కైవసం చేసుకుంది. ఆ తర్వాత ఊర్వశికి వరుసగా సినిమా ఛాన్సులు వస్తూనే ఉన్నాయి. 15 ఏళ్ల వయసులోనే మోడల్‌గా కెరీర్ ప్రారంభించింన ఊర్వశి.. ఆ తర్వాత 2009లో మిస్ ఇండియా టీన్ టైటిల్ విజేతగా నిలిచింది.
ముఖ్యంగా హిందీలో 'సనమ్ రే, ' ది గ్రేట్ గ్రాండ్ మస్తీ', హేట్ స్టోరీ 4, పాగల్ పంతి చిత్రాలతో మంచి గుర్తింపు తెచ్చుకుంది. 2014లో 'మిస్టర్ ఐరావత' సినిమాతో కన్నడ ఇండస్ట్రీలో అడుగుపెట్టింది.
2022లో 'లెజెండ్ శరవణన్' హీరోగా నటించిన 'ది లెజెండ్' మూవీతో తమిళ సినీ ఇండస్ట్రీలో లెగ్ పెట్టింది. ఇక చిరంజీవి హీరోగా నటించిన 'వాల్తేరు వీరయ్య'తో తెలుగులో ఐటెం భామగా లెగ్ పెట్టింది.అటు స్కంధ, బ్రో, ఏజెంట్, తాజాగా డాకు మహారాజ్ సినిమాల్లో నటించింది.
అంతేకాదు 15వ ఏటనే లైఫ్ టైమ్ ఫ్యాషన్ లీక్ తర్వాత ఈమె వెనుదిరిగి చూసుకోలేదు. 2011లో ఇండియన్ ప్రిన్సెస్ .. మిస్ ఏషియన్ సూపర్ మోడల్ 2011 టైటిల్స్‌ను గెలుచుకుంది. 2014లో యోయో హనీ సింగ్‌తో చేసిన లవ్ డోస్ ప్రైవేట్ ఆల్బమ్ ఊర్వశికి మంచి పేరు తీసుకొచ్చింది. ఆ తర్వాత 2013లో సన్నిదేవోల్ 'సింగ్ సాబ్ ది గ్రేట్' చిత్రంతో కథానాయికగా తెరంగేట్రం చేసింది.
