Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు
180879 Rain fall: టాప్ గేర్ లో రుతుపవనాలు.. హైదరాబాద్ లో ఉరుములు, మెరుపులతో కురుస్తున్న భారీ వర్షం..
పోలీసులు, జీహెచ్ఎంసీ అధికారులు రంగంలోకి దిగి ట్రాఫిక్ ను క్లియర్ చేసే పనిలో పడ్డారు. అంతే కాకుండా వాహనాదారులు సంయమనం పాటించాలని, ట్రాఫిక్ ను క్లియర్ చేస్తున్నట్లు సూచిస్తున్నారు. రాంగ్ రూట్ లు, సిగ్నల్ జంపింగ్ వంటివి చేయోద్దని చెబుతున్నారు.
ఆఫీసుల నుంచి ఇళ్లకు వెళ్లే సమయంలో వర్షంకురుస్తుండటంతో ప్రజలు తీవ్ర అవస్థలు పడుతున్నారు. రోడ్డుమీద అనేక ప్రాంతాలలో గుంతల్లో నీళ్లు చేరిపోయాయి. రోడ్డు పైన ప్రధాన కూడళ్ల వద్ద ట్రాఫిక్ సమస్యలతో ప్రజలు తీవ్ర ఇబ్బందులు పడతున్నారు.
సికింద్రాబాద్,మోహిదీపట్నం, లింగంపల్లి, నల్లగండ్ల, చందానగర్, ఉప్పల్, జీడిమెట్ల, ఖైరతాబాద్, సోమాజీగూడ, మెడ్చల్, దిల్ సుఖ్ నగర్, అంబర్ పేట్, రామాంతాపుర్ వంటి చోట్ల కుండపోతగా వర్షం కురుస్తుంది.
ఉరుములు, మెరుపులతో కూడిన వర్షం కురుస్తుందని వాతావరణ కేంద్ర తెలిపింది. ఐఎండీ అంచనాల ప్రకారం.. తెలంగాణలోని పలుజిల్లాల్లో వర్షం కురుస్తుంది. ఇక హైదరాబాద్ లో కూడా ఉదయం నుంచి వాతావరణం చల్లబడింది. కొన్ని గంటల నుంచి హైదరాబాద్ లో భారీగా వర్షం కురుస్తుంది.
ఇక వాతావరణ కేంద్రం ఇప్పటికే తెలంగాణలోని పలు జిల్లాలలో వర్షంకురుస్తుందని అలర్ట్ ను జారీ చేసింది. అంతేకాకుండా.. దాదాపు 30 నుంచి 40 కిలోమీటర్ల వేగంతో గాలులు కూడా వీస్తాయని తెలిపింది.
తెలుగు రాష్ట్రాలలో రుతుపవనాలు జోరుగా విస్తరించాయి. దీనికి తోడు ఉపరితల ఆవర్తనం కూడా తోడు కావడంతో వాతావరణం ఒక్కసారిగా చల్లబడింది. ఈ నేపథ్యంలో కొన్నిరోజులుగా ఉక్కపోతతో అల్లాడిపోయిన జనాలు వర్షం కురుస్తుండటంతో చల్లని వాతావరణంలో సేదతీరుతున్నారు.
