Muskmelon Seeds Remedies: ప్రకృతిలో లభించే వివిధ రకాల పండ్లలో మనిషి ఆరోగ్యానికి కావల్సిన పోషకాలు సమృద్ధిగా లభిస్తుంటాయి. కేవలం పండ్లే కాదు..అందులో ఉండే విత్తనాలు కూడా ఆరోగ్యపరంగా అద్భుతమైన లాభాలు చేకూరుస్తుంటాయి. అలాంటిదే మస్క్‌మెలన్ లేదా ఖర్బూజ.
Muskmelon Seeds Remedies in Telugu: ఖర్బూజ చాలా చౌకగానే లభిస్తుంది. వీటి విత్తనాలు ఆరోగ్యపరంగా మాత్రం అద్భుతమైన పోషక విలువలు కలిగి ఉంటుంది. ఇందులో విటమిన్ ఎ, విటమిన్ బి1, విటమిన్ సి, విటమిన్ ఇ, విటమిన్ కే ఉంటాయి. అంతేకాకుండా ఇందులో జింక్, ప్రోటీన్, కార్బోహైడ్రేట్లు, హెల్తీ ఫ్యాట్స్ కావల్సినంతగా ఉంటాయి. అందుకే ఆరోగ్యపరంగా ఇవి చాలా ప్రయోజనకరం.
ఎముకలకు బలం ఖర్బూజ విత్తనాల్లో మెగ్నీషియం, కాల్షియం, ఫాస్పరస్ వంటి ఖనిజాలు ఎక్కువ మొత్తంలో ఉండటం వల్ల ఎముకలు ఆరోగ్యంగా ఉంటాయి. ముఖ్యంగా ఆస్టియోపోరోసిస్ వ్యాధి ముప్పు తగ్గుతుంది.
బరువు నియంత్రణ ఇటీవలి కాలంలో అధిక బరువు అనేది ప్రదాన సమస్యగా మారిపోయింది. ఎన్నిరకాలుగా ప్రయత్నించినా ఫలితం దక్కదు. అయితే ఖర్బూజ విత్తనాలు బరువు తగ్గేందుకు అద్భుతంగా ఉపయోగపడతాయి. ఇందులో ఉండే డైటరీ ఫైబర్ ఇందుకు ఉపయోగపడుతుంది. ఇది ఆకలిని తగ్గిస్తుంది.
ఇమ్యూనిటీ శరీరానికి ఇమ్యూనిటీ చాలా అవసరం. ఇమ్యూనిటీ బలంగా ఉంటే ఎలాంటి వ్యాధులు దరిచేరవు. దీనికోసం ఖర్బూజ విత్తనాలు బెస్ట్ ఆప్షన్. ఇందులో ఉండే విటమిన్ సి, యాంటీ ఆక్సిడెంట్లు ఇమ్యూనిటీని పెంచుతాయి
జీర్ణక్రియ ఖర్బూజ విత్తనాల్లో ఢైటరీ ఫైబర్ తగిన మోతాదులో ఉంటుంది. దాంతో జీర్ణక్రియ మెరుగుపడుతుంది. మలబద్ధకం సమస్య పోతుంది. కడుపు సంబంధిత సమస్యలు దూరమౌతాయి
గుండె ఆరోగ్యం ఖర్బూజలో ఒమేగా 3 ఫ్యాటీ యాసిడ్స్‌తో పాటు హెల్తీ ఫ్యాట్స్ ఉంటాయి. ఇవి గుండెను ఆరోగ్యంగా ఉంచడంలో కీలకపాత్ర పోషిస్తాయి. గుండె కండరాలకు ఒత్తిడి నుంచి రిలీఫ్ కలిగి రిలాక్సేషన్ లభిస్తుంది. ఫలితంగా హార్ట్ ఎటాక్, స్ట్రోక్ వంటి ముప్పు తగ్గుతుంది
