Magha Masam 2025: జ్యోతిష్యశాస్త్రం ప్రకారం తెలుగు క్యాలెండర్ ప్రకారం 11వ మాసం మాఘం. ఉత్తరాయణ పుణ్యకాలం ప్రారంభమైన తర్వాత వచ్చే మాసం కాబట్టి దీనికి అత్యంత విశిష్టత ఉంది. మాఘ మాసం జవనరి 30 నుంచి ఫిబ్రవరి 28 వరకు ఉంది. ఈ నెలలోనే వసంత పంచమి, రథ సప్తమితో పాటు మహా శివరాత్రి వంటి పుణ్య పర్వదినాలున్నాయి. ఈ మాసంలో శ్రీమహావిష్ణువును, సూర్యభగవానుతో పాటు లింగోద్భోవం కూడా ఈ నెలలోనే ఏర్పడటంతో శివుడికి కూడా అత్యంత కీలకం ఈ మాసం. ఈ నెలలో హరి హరులతో పాటు శివుడిని ఆరాధించడం వల్ల మీరు మరణానంతరం మోక్షాన్ని పొందుతారనేది శాస్త్ర వచనం.
మాఘ విశిష్టతను గురించి....
మాఘ శుద్ధ పాడ్యమి నుండి మాఘ శుద్ధ నవమి వరకు - శ్యామలాదేవి నవరాత్రులు జరుపుకోవడం ఆనవాయితీ వస్తోంది.
మాఘమాసంలో .....
శుద్ధ విదియ నాడు బెల్లం, ఉప్పు దానం చేయటంతో చేసిన పాపాలు తొలిగిపోతాయనేది శాస్త్ర వచనం. దీంతోపాటు పార్వతీ పూజ, లలితా వ్రతం హర తృతీయ వ్రతం చేయడం అత్యంత శుభప్రదం.
శుద్ధ చవితి రోజున ఉమా పూజ, వరదా గౌరీ పూజ, గణేశ పూజ చెయ్యడం అత్యంత ఫలప్రదం. అలాగే ఈ నెలలో దొరికిన పువ్వులతో శివపూజ చేయ్యడం ప్రత్యేక ప్రాధాన్యత సంతరించుకుంది. ఈ చవితి నాడు చేసే తిలదానానికి గొప్ప పుణ్యఫలం.
మాఘ శుద్ధ పంచమిని శ్రీపంచమి అంటారు. ఈ రోజున సరస్వతీ పూజ చెయ్యటం విశేష ఫలప్రదం. దీన్నే కొన్ని ప్రాంతాల్లో వసంత పంచమి, రతి కామదహనోత్సవం అనే పేరున పెద్ద ఎత్తున సనాతన వాదులు జరుపుకొంటారు.
శుద్ధ షష్టిని విశోకషష్టి అని పిలుస్తారు. మందార షష్టి , కామ షష్టి, వరుణ షష్టి అని కూడా దీన్ని పిలుస్తుంటారు. ఈ రోజున వరుణ దేవుడిని ఎర్రచందనంతో ఎర్రని వస్త్రాలు ఎర్రని పుష్పాలతో ఆరాధించడం వలన చేసిన పాపపుణ్యాలు అన్ని హరించుకుపోతాయి.
శుద్ధ సప్తమి ని రథసప్తమిగా జరపుకుటారు. ఈ రోజున సూర్య జయంతిని జరుపుతారు. రథసప్తమీ వ్రతం ఎంతో విశేషమైనది. ఈ రోజు నుంచే అఫీషియల్ గా వేసవి కాలం ప్రారంభం అని చెప్పాలి.
ఇదీ చదవండి : చిరంజీవి, కీర్తి సురేష్ తల్లితో రొమాన్స్ చేసిన ఈ సినిమా తెలుసా..! అందులో మెగాస్టార్ విలన్..
శుధ్ద అష్టమి నాడు భీష్మాష్టమిగా జరుపుకుంటారు. కురువృద్ధుడు భీష్ముడికి తర్పణం విడవటం ఈనాటి పర్వదిన విశేషం.
శుధ్ద నవమి నాడు నందినీదేవి పూజ చేస్తారు.దీన్నే మధ్వనవమి అని కూడా అంటారు.
శుధ్ద ఏకాదశి కి జయ ఏకాదశి అని పేరు. దీన్నే భీష్మ ఏకాదశి వ్రతంగా జరుపుకుంటారు. కురువృద్ధుడు భీష్మాచార్యుడు మరణించిన సందర్భం స్మరించుకుంటారు. ఈ తిథినాడే అంతర్వేదిలో లక్ష్మీ నరసింహస్వామి కళ్యాణం జరుపడం ఆనవాయితీగా వస్తోంది.
శుధ్ద ద్వాదశి నాడు వరాహ ద్వాదశీ వ్రతంగా జరుపుకుంటారు. శుధ్ద త్రయోదశి విశ్వ కర్మ జయంతి గా పేరు పొందింది.
మాఘపూర్ణిమ కు మరీ మరీ విశిష్టత ఉంది. ఈ రోజున శ్రీకాళహస్తిలో స్వర్ణముఖి నదిలో స్నానం చేయటం అత్యంత శుభప్రదం. ప్రస్తుతం ప్రయాగ రాజ్ త్రివేణీ సంగమంలో జరుగుతున్న కుంభమేళాలో స్నానం చేయటం విశేష ఫలప్రదంగా భావిస్తారు.. సతీదేవి జన్మించిన తిథిగా కూడా మాఘ పూర్ణిమను చెబుతారు.
మాఘమాసంలో వచ్చే మిగతా పర్వదినాలు..
కృష్ణ పాడ్యమి నాడు సౌభాగ్యప్రాప్తి వ్రతంగా జరుపుకుంటారు. కృష్ణ సప్తమి నాడు సర్వాప్తి సప్తమి వ్రతం చేసుకుంటారు. సూర్య వ్రతాలు జరుగుతాయి.
కృష్ణ అష్టమి నాడు మంగళా వ్రతం ఆనవాయితీ వస్తోంది. మాఘ కృష్ణ ఏకాదశి ని విజయ ఏకాదశి అని పేరు. రామసేతు నిర్మాణం పూర్తి అయిన రోజున గుర్తు చేసే తిథి అని చెబుతారు. కృష్ణ ద్వాదశి నాడు తిల ద్వాదశీ వ్రతం జరుపుకుంటారు. కృష్ణ త్రయోదశి ని ద్వాపర యుగాదిగా మన పురాణాలు పేర్కొంటున్నాయి. కృష్ణ చతుర్దశి నాడు మహాశివ రాత్రి పర్వదినం వ్రతం జరుపుతారు. ఈ రోజు దేవుడు అందు ఉపవాసం చేయడం విశేష ఫలప్రదంగా భావిస్తారు.
మాఘమాసంలో చివరిదైన కృష్ణ అమావాస్య నాడు పితృశ్రాద్ధం చెయ్యడం అత్యంత ఫలప్రదమని శాస్త్ర వచనం.ఇలా మాఘ మాసంలో ఎన్నెన్నో వ్రతాలు,పర్వదినాలు, వివిధ దేవతలను ఉద్దేశించి జరపుకోవటం కనిపిస్తుంది. అందుకే ఈ మాసానికి తొలి నుండి అంత విశిష్టత ఉంది.
ఇదీ చదవండి : ప్రస్తుత మార్కెట్ వాల్యూ ప్రకారం నాగార్జున ‘అన్నపూర్ణ స్టూడియో’ మార్కెట్ విలువ ఎంతో తెలుసా..?
ఇదీ చదవండి: గడ్డకట్టే చలిలో నాగ సాదువులు నగ్నంగానే ఎందుకు ఉంటారు.. అసలు రహస్యం అదేనా..!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
