Telangana school holiday: ఈ సంవత్సరం.. హిందువులు ఎంతో గొప్పగా జరుపుకునే వసంత పంచమి.. ఫిబ్రవరి 3న వస్తోంది. అనగా వచ్చే సోమవారం ఈ పంచమి గడియలు ఉన్నందువల్ల.. అందరూ ఈ రోజున వసంత పంచమి జరుపుకోనున్నారు. ఈ సందర్భంగా.. తెలంగాణ గవర్నమెంట్.. ఫిబ్రవరి 3న ఆప్షనల్ సెలవుగా ప్రకటించింది.
ముఖ్యంగా హిందుత్వ, ఆద్యాత్మిక సంస్థల ఆధ్వర్యంలో నడిచే అన్ని తెలంగాణ పాఠశాలలకు కూడా.. వసంత పంచమి రోజు సెలవు వుండనుంది. అయితే ఆంధ్రప్రదేశ్ ప్రభుత్వం మాత్రం.. ఈ రోజున ఆప్షనల్ హాలిడే ఇవ్వలేదు. దీంతో ఆంధ్రప్రదేశ్ రాష్ట్రంలో విద్యాసంస్ధలు ఫిబ్రవరి 3న యాథావిధంగా నడువనున్నాయి.
కాగా వసంత పంచమి విశిష్టతకు వస్తే..చదువుల తల్లి సరస్వతి దేవి జన్మించిన రోజును.. హిందువులు అందరూ వసంత పంచమి జరుపుకుంటారు. ఈ ఆధ్యాత్మిక రోజునే శ్రీ పంచమి అని కూడా అంతు ఉంటారు. ప్రతి సంవత్సరం మాఘశుద్ద పంచమిని అమ్మవారి జన్మదినంగా నమ్మి.. హిందువులందరూ ప్రత్యేక వేడుకలు జరుపుతుంటారు.
అన్నిటికన్నా ముఖ్యంగా ఈ రోజున ప్రతి ఒక్కరు.. పుస్తకాలను పూజిస్తే తమకు ఎంతో జ్ఞానం లభిస్తుందని నమ్ముతారు. అంతేకాకుండా ఎంతోమంది ఈరోజు చిన్నపిల్లలతో అక్షరాభ్యాసం కూడా చేయిస్తుంటారు. అందుకే ఎన్నో స్కూల్స్ లో అలానే గుడిలో.. సామూహిక అక్షరాభ్యాసాలు ఈ రోజున నిర్వహిస్తారు.
బాసర వంటి ఎంతో ప్రసిద్ధి చెందిన..పుణ్యక్షేత్రాల్లో వసంత పంచమి రోజున తమ పిల్లలకు అక్షరాభ్యాసం చేయించేందుకు జనాలు నలుమూలల నుంచి భారీగా తరలివస్తుంటారు. వసంత పంచమి రోజున.. సరస్వతి అమ్మవారిని దర్శించుకుని.. ఆమె సన్నిధిలో అక్షరాభ్యాసం చెయ్యదానిక..పలకబలపం పడితే మంచి జ్ఞానం వస్తుంది అనేది ఎంతోమంది హిందువుల నమ్మకం.
మరోపక్క చాలామంది వసంత పంచమి ఈ సంవత్సరం ఫిబ్రవరి 2న రాబోతుందని కూడా అంటున్నారు. ద్రిక్ పంచాంగం ప్రకారం, మాఘ మాసంలోని శుక్ల పక్షంలోని పంచమి తిథి ఫిబ్రవరి 02 ఉదయం 09:14 గంటలకు ప్రారంభమై.. ఫిబ్రవరి 03 ఉదయం 06:52 గంటల వరకు ఉందనుంది. అటువంటి పరిస్థితిలో..ఈ వసంత పంచమిని 2 ఫిబ్రవరి 2025 న జరుపుకోవాలని కొంతమంది వేదాంతలు చెబుతున్నారు. ఈ క్రమంలో తెలంగాణ గవర్నమెంట్ ఫిబ్రవరి 3న సెలవు ప్రకటించడంతో.. ఈ సంవత్సరం వసంత పంచమి సమయాలపైన చాలామందికి అనుమానాలు అలానే మిగిలి ఉన్నాయి.
Also Read: Budget Day Stock Market: శనివారం నాడే కేంద్ర బడ్జెట్.. ఆ రోజు స్టాక్ మార్కెట్లు పని చేస్తాయా?
Also Read: Budget 2025: సామాన్యులకు శుభవార్త వినిపించనున్న నిర్మలమ్మా... వీటి ధరలు భారీగా తగ్గే ఛాన్స్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
