Telangana Heavy Rains Alert: నైరుతి రుతుపవనాలు పూర్తిగా విస్తరిస్తున్నాయి. ఫలితంగా ఏపీ, తెలంగాణ రాష్ట్రాల్లో విస్తారంగా వర్షాలు కురుస్తున్నాయి. ఇక రానున్న మూడు రోజులు తెలంగాణలోని కొన్ని జిల్లాలకు అత్యంత కీలకంగా ఉండనుందని ఐఎండీ వెల్లడించింది. జాగ్రత్తగా ఉండాల్సిందిగా హెచ్చరించింది.
నైరుతి రుతుపవనాలు ఆలస్యంగా జూలైలో ప్రతాపం చూపిస్తున్నాయి. తెలంగాణ వ్యాప్తంగా దాదాపు అన్ని ప్రాంతాల్లో పెద్దఎత్తున వర్షాలు కురుస్తున్నాయి. రాష్ట్రంలో రానున్న మూడ్రోజులు భారీ నుంచి అతి భారీ వర్షాలు పడతాయని వాతావరణ శాఖ హెచ్చరించింది. పలు జిల్లాలకు ఆరెంజ్ ఎలర్ట్ జారీ చేసింది. ముఖ్యంగా 7 జిల్లాలకు ఆరెంజ్ వార్నింగ్ జారీ చేసింది ఐఎండీ. ఇవాళ్టి నుంచి రేపటి వరకూ భద్రాద్రి కొత్తగూడెం, ఖమ్మం, సూర్యాపేట, మహబూబాబాద్, సంగారెడ్డి, మెదక్ జిల్లాల్లో ఉరుములు, మెరుపులతో కూడిన అతి భారీ వర్షాలు పడనున్నాయి. ఇక అదిలాబాద్, పెద్దపల్లి, కరీంనగర్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, జయశంకర్ భూపాలపల్లి, ములుగు, హన్మకొండ, సిద్దిపేట, రంగారెడ్డి, నాగర్ కర్నూల్ జిల్లాల్లో భారీ వర్షాలు కురుస్తాయని ఎల్లో అలర్ట్ జారీ చేసింది.
ఇక జూలై 6, జూలై 7 తేదీల్లో ఆదిలాబాద్, నిర్మల్, మంచిర్యాల, జగిత్యాల, ములుగు, కుమరం భీం అసిఫాబాద్, జయశంకర్ భూపాలపల్లి, మహబూబాబాద్, హన్మకొండ, వరంగల్ జిల్లాల్లో భారీ వర్షాలు కురిసే అవకాశాలున్నాయి. రేపట్నింటి ఈ జిల్లాల్లో తేలికపాటి నుంచి మోస్తరు వర్షాలు పడవచ్చు.
Also read: Etela Rajender : తెలంగాణ కొత్త సీఎం ఈటల రాజేందర్ ?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
