એક નહીં, 2-2 આવી રહ્યા છે USથી વિમાન! આજે આ 8...કાલે આવશે 34 ગુજરાતીઓ! જાણો લિસ્ટ

Illegal Immigrants: ગેરકાયદેસર રીતે અમેરિકા (યુએસ) ગયેલા ભારતીયોને પકડીને દેશનિકાલ કરવામાં આવી રહ્યા છે. એવામાં દેશનિકાલ કરાયેલા ભારતીયોને લઈને એક નહીં પરંતુ બે અમેરિકન વિમાનો આવી રહ્યા છે. આજે એટલે કે શનિવારે એક પ્લેન અમૃતસર એરપોર્ટ પર લેન્ડ થશે. બીજું વિમાન રવિવારે (16 ફેબ્રુઆરી) આવશે. આ બંને પ્લેનમાં મોટાભાગના લોકો પંજાબના અને ગુજરાતના હોવાનું જાણવા મળી રહ્યું છે.

બીજી તરફ, એક દિવસ અગાઉ મુખ્ય પ્રધાન ભગવંત માને અમેરિકાથી દેશનિકાલ કરાયેલા ભારતીયોને લઈને અમૃતસરમાં અમેરિકન વિમાનના લેન્ડિંગ સામે વાંધો વ્યક્ત કર્યો હતો. માને કહ્યું કે કેન્દ્ર સરકારે પંજાબને બદનામ કરવા માટે અમેરિકન પ્લેનને અમૃતસર એરપોર્ટ પર લેન્ડ કરવાની મંજૂરી આપી છે. સીએમના આ નિવેદન પર રાજકારણ ગરમાયું છે. આ નિવેદન પર વિપક્ષી પાર્ટીના નેતાઓ સીએમની ટીકા કરવામાં વ્યસ્ત છે.

આ વખતે પહેલા કરતા વધુ ભારતીયો યુએસમાંથી ડિપોર્ટ થયા બાદ પરત ફરી રહ્યા છે. 15 જાન્યુઆરી (શનિવાર)ના રોજ અમેરિકન આર્મીનું એક જહાજ 119 ભારતીયો સાથે આવી રહ્યું છે. પ્લેન રાત્રે 10 વાગ્યે પંજાબના અમૃતસર એરપોર્ટ પર ઉતરશે. જો કે તમામની નજર આ દેશનિકાલ પર રહેશે. આ વખતે પણ એક પ્રશ્ન લોકોના મોઢા પર રહેશે કે શું દેશનિકાલ કરાયેલા લોકો ફરીથી હાથકડી અને બેડીઓમાં જોવા મળશે?

15 અને 16 ફેબ્રુઆરીએ બે પ્લેન અમૃતસર એરપોર્ટ પર ઉતરશે. જે ફ્લાઇટ અમેરિકાથી 15મી જાન્યુઆરીએ રાત્રે 10 વાગ્યે પહોંચશે. તેમાં 119 ભારતીય હશે. આ ફ્લાઈટમાં સૌથી વધુ 67 લોકો પંજાબના છે. આમાં સૌથી વધુ 11 ગુરદાસપુરના, 10 કપુરથલાના, 10 હોશિયારપુરના અને 7 અમૃતસરના છે.

બીજી તરફ બીજી ફ્લાઇટમાં 33 લોકો હરિયાણાના, 30 પંજાબના, 8 ગુજરાતના, 3 ઉત્તર પ્રદેશના, 2 ગોવાના, 2-2 મહારાષ્ટ્ર અને રાજસ્થાનના હશે અને આ સિવાય એક વ્યક્તિ હિમાચલનો હશે અને માત્ર એક જ વ્યક્તિ જમ્મુ-કાશ્મીરનો હશે. પંજાબના ગુરદાસપુરના 6, જલંધર અને અમૃતસરના 4-4 લોકો છે.