തൃശൂര്‍: വരവൂരില്‍ ക്ഷേത്രോത്സവത്തിനിടെ കതിന പൊട്ടിത്തെറിച്ച് നാല് പേർക്ക് പരിക്ക്. ശ്യാംജിത്ത്, ശ്യാംലാല്‍, രാജേഷ്, ശബരി എന്നിവര്‍ക്കാണ് പരിക്കേറ്റത്. പരിക്കേറ്റവരെ തൃശൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ശബരിക്ക് 70 ശതമാനവും ശ്യംജിത്തിന് 40 ശതമാനവും പൊള്ളലേറ്റിട്ടുണ്ട്. മറ്റ് രണ്ട് പേര്‍ക്ക് 30 ശതമാനം പൊള്ളലേറ്റു.
ഇന്ന് ഉച്ചയോടെയാണ് സംഭവം. വരവൂരില്‍ പാലയ്ക്കല്‍ ഭഗവതി ക്ഷേത്രത്തിലെ ഉത്സവത്തിനിടെയാണ് കതിന പൊട്ടിത്തെറിച്ച് അപകടം ഉണ്ടായത്. ഉത്സവാഘോഷത്തിനിടെ കതിന കത്തിച്ച ഉടന്‍ തീ ആളുകയും കതിന പൊട്ടിത്തെറിക്കുകയുമായിരുന്നു. പരിക്കേറ്റ നാല് പേരെയും തീ പൊള്ളലേറ്റവരെ ചികിത്സിക്കുന്ന തീവ്ര പരിചരണ വിഭാഗത്തിൽ ചികിത്സയിൽ പ്രവേശിപ്പിച്ചു.
കോട്ടയത്ത് മെത്ത ഫാക്ടറിയിൽ വൻ തീ പിടുത്തം; ഫാക്ടറി പൂർണമായും കത്തിനശിച്ചു, ആളപായമില്ല
കോട്ടയം വയലായിൽ മെത്ത ഫാക്ടറിയിൽ തീപിടിച്ചു. തീപിടിത്തത്തെ തുടർന്ന് ഫാക്ടറി പൂർണമായും കത്തി നശിച്ചു. ഞായറാഴ്ച ഉച്ചയ്ക്ക് 12.30 ഓടെയാണ് മെത്ത ഫാക്ടറിയിൽ തീ പടർന്ന് പിടിച്ചത്. റിപ്പോർട്ടുകൾ സൂചിപ്പിക്കുന്നത് അനുസരിച്ച് ആളപായമില്ല. ഞായറാഴ്ച ആയതിനാൽ ഫാക്ടറിക്ക് അവധി ദിവസമായിരുന്നു. അതിനാൽ തന്നെ ഫാക്ടറിയിൽ ജീവനക്കാർ ഉണ്ടായിരുന്നില്ല. അതിനാൽ തന്നെ വലിയ ദുരന്തം ഒഴിവായി. വയലായിൽ പ്രവർത്തിക്കുന്ന റോയൽ ഫോം ഇൻഡസ്ട്രീസ് എന്ന ഫാക്ടറിയിലാണ് തീപിടിത്തം ഉണ്ടായത്,
ഫാക്ടറിയിൽ നിന്ന് തീയും പുകയും ഉയരുന്നത് പ്രദേശവാസികളുടെ ശ്രദ്ധയിൽപ്പെടുകയായിരുന്നു. നാട്ടുകാർ ആദ്യഘട്ട രക്ഷാപ്രവർത്തനം നടത്തി. എന്നാൽ തകര ഷീറ്റുകൾ കൊണ്ട് ചുറ്റും മറച്ചിരുന്നതിനാൽ അകത്തേക്ക് വെള്ളം ഒഴിച്ച് തീ നിയന്ത്രണ വിധേയമാക്കാനായില്ല. പിന്നാലെ അതിവേഗം തീ പടർന്ന് പിടിക്കുകയായിരുന്നു. തുടർന്ന് അഗ്നി രക്ഷാസേനയും, പോലീസിനെയും എത്തി രക്ഷാപ്രവർത്തനം ആരംഭിച്ചു.
ഫയർഫോഴ്സിൻ്റെ നാല് യൂണിറ്റ് സ്ഥലത്തെത്തിയാണ് രക്ഷാപ്രവർത്തനം നടത്തിയത്. ഫാക്ടറിയിൽ മെത്ത നിർമ്മാണത്തിനായി ഉപയോഗിക്കുന്ന ഫോം, സ്പോഞ്ച്, കയർ മറ്റു ഉല്പങ്ങളിലേക്ക് പെട്ടന്ന് തീ പടർന്നതും അപകടത്തിൻ്റെ വ്യാപ്തി വർദ്ധിപ്പിച്ചു. പ്രദേശത്ത് വലിയ ഉയരത്തിലാണ് തീ ആളി ഉയർന്നത്. സ്ഥാപനം ഏതാണ്ട് പൂർണ്ണമായും കത്തി നശിച്ച സ്ഥിതിയിലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
