ऐकलंत का, सोनाली बेंद्रे भारतात परत येतेय

मुंबई: कॅन्सरच्या उपचारासाठी अमेरिकेत गेलेली बॉलिवूड अभिनेत्री सोनाली बेंद्रे लवकरच भारतात परतणार आहे. सोनाली हिने आपल्या इन्स्टाग्राम अकाऊंटवरून ही माहिती दिली. या पोस्टमध्ये सोनालीने भारतात परतणे, आपल्यासाठी किती आनंददायी गोष्ट आहे, हे सांगितले. दुराव्यामुळे प्रेम आणखी वाढते. घरापासून दूर न्यूयॉर्कमध्ये असताना मी अनेक नवीन गोष्टी शिकले. मात्र, आता मी माझं मनं जिथे आहे, तेथे परतणार आहे. अशा गोष्टी खरंतर शब्दात व्यक्त करता येत नाहीत. मात्र, तरीही मी एवढेच सांगेन की, तुमचे कुटुंबीय आणि मित्रांना पुन्हा भेटायला मिळणार, ही भावनाच खूप आनंददायी आहे. तसेच आपल्याला आवडतात त्या गोष्टी लवकरच करायला मिळतील, याची उत्सुकता आणि आजपर्यंत मी जे आयुष्य जगले, त्याबद्दलची कृतज्ञता, अशा संमिश्र भावना आपल्या मनात दाटून आल्याचे सोनाली बेंद्रे हिने म्हटले आहे. 

View this post on Instagram

They say "Distance makes the heart grow fonder". It sure does. But let's never underestimate what distance teaches you. Being away from home in the city of New York, I realized I was walking amongst so many stories. Each trying to write their own chapter in different ways. Each struggling to do it but never giving up. Each taking it #OneDayAtATime. And now I'm on my way back to where my heart is. It's a feeling I can't describe in words but I'm going to try - it's the joy to see my family and friends again, the excitement to do what I love and mainly the gratitude for the journey I've had up until this moment. The fight is not yet over...but I'm happy and looking forward to this happy interval :) It's time to learn that there is a new normal out there and I can't wait to embrace it and #SwitchOnTheSunshine. #NowPlaying #AdventureOfALifeTime And as my adventure with life continues these words by Chris Martin hit home, "Everything you want is a dream away. Under this pressure, under this weight We are diamonds taking shape..."

A post shared by Sonali Bendre (@iamsonalibendre) on Dec 1, 2018 at 10:47pm PST

टेलिव्हिजनवरील 'इंडियाज बेस्ट ड्रामेबाज' या रिअॅलिटी शोची परीक्षक असलेल्या सोनालीने अचानक ब्रेक घेतला होता. त्यानंतर काही दिवसांतच तिने इन्स्टाग्रामवरून आपल्याला 'हाय ग्रेड' कॅन्सर झाल्याचे सांगितले होते. तेव्हापासून सोनाली न्यूयॉर्कमध्ये उपचार घेत होती. या काळात ती नियमितपणे इन्स्टाग्रामवर फोटो टाकून आपले अनुभव सांगायची. यादरम्यान काही बॉलिवूड सेलिब्रिटींनी न्यूयॉर्कमध्ये जाऊन तिची भेट घेतली होती.