Mulberries Benefits: उन्हाळ्यात तुती खाण्याचे ५ मोठे फायदे

Mulberries Benefits : तुतीमध्ये भरपूर पोषकघटक असतात. बहुतेक लोकांना याबद्दल फारशी माहिती नसते. त्यांची चव द्राक्षासारखीच असते आणि त्यांची रचना ब्लॅकबेरीसारखीच आहे. त्यात भरपूर पोषक आणि जीवनसत्त्वे असतात. एक कप कच्च्या तुतीमध्ये फक्त 60 कॅलरीज असतात.

तुतीमध्ये असलेले पोषक घटक तुमच्या ऊतींना आवश्यक ऑक्सिजन पुरवतात. हे तुमच्या ऊतींचे मुक्त रॅडिकल्सपासून संरक्षण करते.

पचनासाठी फायदेशीर

तुतीमध्ये भरपूर फायबर आढळते, जे योग्य पचनासाठी आवश्यक आहे. त्यामुळे बद्धकोष्ठता, पोट फुगणे आणि पोटाच्या अनेक समस्यांपासून सुटका मिळते.

कर्करोगाचा धोका कमी करते

तुतीमध्ये भरपूर प्रमाणात एन्थोसायनिन्स असतात, जे कर्करोगाच्या पेशींना तुमच्या शरीरापासून दूर ठेवतात. त्यामध्ये रेझवेराट्रोल देखील आहे, ज्यामध्ये कर्करोग विरोधी गुणधर्म आहेत. अशा प्रकारे, ते कोलन कर्करोग, त्वचेचा कर्करोग, प्रोस्टेट कर्करोग आणि थायरॉईडशी लढण्यास मदत करतात.

रक्तातील साखरेची पातळी नियंत्रित करते

तुम्हालाही तुमच्या शरीरातील रक्ताची पातळी नियंत्रित ठेवायची असेल, तर पांढरी तुती तुमच्यासाठी खूप उपयुक्त ठरू शकते. पांढऱ्या तुतीमध्ये असलेले काही रसायने टाइप-2 मधुमेहावर उपचार करण्यासाठी वापरल्या जाणार्‍या औषधांप्रमाणेच असतात.

रक्ताभिसरण

तुतीमध्ये भरपूर प्रमाणात अँटीऑक्सिडंट असतात, जे आपले रक्त पातळ करण्यास मदत करतात. यामुळे हृदयापासून शरीराच्या इतर भागांमध्ये रक्ताभिसरण योग्य प्रकारे होते. तुतीमध्ये भरपूर लोह असते आणि लोहाची उपस्थिती लाल रक्तपेशींच्या निर्मितीस प्रोत्साहन देते.

प्रतिकारशक्ती

तुतीमध्ये मॅंगनीज आणि झिंक मुबलक प्रमाणात आढळतात. तुती आपली रोगप्रतिकारक शक्ती सतर्क ठेवते. तुतीमध्ये असलेले व्हिटॅमिन-सी हे रोगप्रतिकारक शक्ती वाढवणारे घटक आहे.