Gold Rate Today: ग्राहकांना सोने-चांदी खरेदीची संधी! 10 ग्रॅमसाठी मोजा आता इतके रुपये

Gold and silver prices on 8 May 2023

Gold Silver Price on 8 May: गेल्या काही महिन्यापासून सोने-चांदीच्या (Gold Silver Price) दरात सतत चढ-उतार होत असतात. 5 एप्रिल 2023 रोजी मौल्यवान सोन्याच्या किमतीने विक्रमी उच्चांक गाठला असता, परंतु त्यात केवळ तात्पुरती स्थिरता दिसून येत होती. याशिवाय अनेक वेळा सोन्या-चांदीच्या दरात (Gold Silver Price) घसरण झाली. तसंच तज्ज्ञांच्या म्हणण्यानुसार, सोनं-चांदी खरेदी करण्याची हीच सर्वोत्तम वेळ आहे. कारण येत्या काही दिवसांत सोन्याच्या किमतीत पुन्हा एकदा मोठी वाढ होऊ शकते. असे झाल्यास, तुम्हाला खरेदीदाराला जास्त किंमत मोजावी लागेल. दरम्यान आज (8 मे 2023) आठवड्याच्या पहिल्याच दिवशी सोने आणि चांदीच्या दरात किंचित घट झाली आहे.  

सोने-चांदीचे नवीन दर 

आज आंतरराष्ट्रीय बाजारात सोने-चांदीच्या दरात (Gold Silver Price)  घसरण नोंदवण्यात आली असून 22 कॅरेटसाठी 10 ग्रॅम सोन्याची किंमत 56,008 रुपये आहे. तर 24 कॅरेटसाठी 62,410 रुपये सोन्याची किंमत असणार आहे. तर सराफ बाजारात चांदीच्या दरात ही घसरण झाली असून किलोमागे 800 रुपयांची घट झाली आहे. अशा परिस्थितीत तुम्ही कोणत्याही ज्वेलर्सच्या दुकानातून सोने चांदीचे दागिने खरेदी करत असाल तर ही बातमी तुमच्यासाठी दिलासादायक आहे. 

दरम्यान 24 कॅरेट सोन्याच्या दरात कपात झाल्यानंतर इतर कॅरेटमध्येही बदल दिसत आहेत. अशा स्थितीत सराफा बाजारात इतर कॅरेटचे भाव कमी झाले आहेत. 22 कॅरेट सोन्याचा 10 ग्रॅमचा दर 56,008 रुपये, 18 कॅरेट सोन्याचा दर 45,824 रुपये आणि 14 कॅरेट सोन्याचा दर 35,641 रुपये असणार आहे.

चांदीचे ही दर घसरले

चांदीच्या दरातही घट झाली असून किलोमागे 800 रुपयांची घट दिसून आली आहे. रविवारी आणि सोमवारी चांदीचा दर 74,800 रुपये प्रति किलो आहे. गेल्या शनिवारी चांदीचा दर 75,500 रुपये किलोवर पोहोचला होता आणि शुक्रवारी त्याची किंमत 75,050 रुपये होती.

सोन्याची शुद्धता कशी ओळखावी?

सोन्याची शुद्धता ओळखण्यासाठी ISO (इंडियन स्टँडर्ड ऑर्गनायझेशन) द्वारे हॉलमार्क दिले जातात. 24 कॅरटवार 999, 23 कॅरटवार 958, 22 कॅरटवार 916, 21 कॅरटवार 875 आणि 18 कॅरटवार 750 असे लिहिलेलं असते.  बहुतेक सोने 22 कॅरेटमध्ये विकले जाते आणि काही लोक 18 कॅरेट देखील वापरतात. सोने 24 कॅरेटपेक्षा जास्त विकले जाते. कॅरेट जितके जास्त तितके जास्त शुद्ध सोने असे म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध आहे. 22 कॅरेट सोने किंवा तांबे, चांदी, जस्त इत्यादी 9% इतर धातू मिसळून डाग तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतांश दुकानदार 22 कॅरेटमध्ये सोने विकतात.