तोंडाने पिल्लं जन्माला घालणारा प्राणी कोणता? फक्त 1 टक्के लोकांना माहिती आहे उत्तर

जगामध्ये अनेक प्रकारचे प्राणी असून प्रत्येकाची एक वेगळी ओळख आणि वैशिष्ट्य आहे. पुस्तकांमधून किंवा डॉक्यूमेंट्रीच्या माध्यमातून या प्राण्यांची माहिती आपल्याला मिळत असते. यामध्ये असे अनेक प्राणी आहेत, ज्यांच्याबद्दल समजल्यानंतर आपल्याला आश्चर्य वाटतं. यातील अनेक गोष्टी तर आपण पहिल्यांदाच ऐकत असतो. दरम्यान असाच एक प्राणी आहे, जो तोंडाने पिल्लांना जन्माला घालतो. तुम्ही कधी या प्राण्याचं नाव कधी ऐकलं आहे?

जगात लाखो प्राणी आहेत. या प्रत्येक प्राण्याचं एक वेगळं वैशिष्ट्य आहे. निसर्गाने प्रत्येक प्राण्याला निसर्गात अस्तित्व टिकवून ठेवण्यासाठी एक वैशिष्ट्य दिलं आहे. त्यामुळेच हे प्राणी प्रत्येक वातावरणाशी जुळवून घेत असतात. 

पण जर तुम्हाला कोणी विचारलं की, अशा प्राण्याचं नाव सांगा जो तोंडाने पिल्लं जन्माला घालतो? तर तुम्ही उत्तर देऊ शकाल का? तुम्ही नक्कीच डोकं खाजवाल आणि खरंच असा कोणता प्राणी आहे का? या विचाराच पडाल. पण हा प्राणी पावसाळ्यात तुमच्या आजुबाजूलाच असतो. तरीही तुम्हाला या प्राण्याचं नाव आठवत नाहीये का?

अनेक प्राणी, पक्षी आधी अंडी घालतात आणि नंतर त्यातून पिल्लांना जन्म देतात. तर काही प्राणी माणसांप्रमाणे आपल्या पिल्लांना जन्माला घालतात. पण या सर्वांमध्ये एक प्राणी असा आहे, जो तोंडाने आपली पिल्लं या जगात आणतो. म्हणजे जणू आपण उलट्या करतो तशा प्रकारे तो पिल्लांना जन्माला घालतो. 

तो प्राणी कोणता? 

हा प्राणी दुसरा तिसरा कोणी नसून बेडूक आहेत. पण हे बेडूक सामान्य नसून एका विशिष्ट प्रकारचं आहे. हे बेडूक अंडी उबवण्यासाठी त्यांच्या तोंडाचा वापर करतात.  

या पोट वाढवणाऱ्या बेडकाची बाळांना जन्म देण्याची पद्धत पूर्णपणे वेगळी असते. ते इतर प्राण्यांप्रमाणे अंडी घालतात. पण अंडी घातल्यानंतर ते ती गिळतात. आता तुम्हाला ते अंडी का गिळतात? असा प्रश्न पडला असेल. यामागेही एक वैज्ञानिक कारण आहे. अंड्यांवरील एक विशेष रासायनिक थर त्यांना पोटातील गॅस्ट्रिक आम्लापासून वाचवतो. अंडी बाहेर येईपर्यंत ते पोटात राहतात आणि नंतर बेडकाच्या तोंडातून बाहेर पडतात. हे बेडूक एकाच वेळी 25 पिलांना जन्म देऊ शकतात.  

पण 1980 च्या दशकाच्या मध्यात बेडकांची ही प्रजाती नामशेष झाली. यापूर्वी ते ऑस्ट्रेलियातील क्वीन्सलँडच्या एका छोट्या भागात आढळले होते. पोटात पिल्ले भरणारा बेडूक हा एकमेव बेडूक आहे जो तोंडातून आपल्या पिल्लांना जन्म देतो. शास्त्रज्ञ या बेडकांना पुनरुज्जीवित करण्याचा प्रयत्न करत आहेत आणि त्यासाठी संशोधन सुरू आहे.