शिवसेनेची जोरदार तयारी, मुख्यमंत्री उद्धव ठाकरे यांचा शिवसैनिकांना हा आदेश

मुंबई : Uddhav Thackeray : आगामी निवडणुकीच्या (Mumbai Municipal Corporation Election) पार्श्वभूमीवर शिवसेना (Shiv Sena) कामाला लागली आहे. शिवसेना पक्षप्रमुख मुख्यमंत्री उद्धव ठाकरे यांनी आपल्या शिवसैनिकांना कामाला लागण्याचे आदेश दिले आहे. निवडणुकीची तयारी करा आणि विकास कामांची पोचपावती जनतेपर्यंत पोहोचवा, असे स्पष्ट मुख्यमंत्री उद्धव ठाकरे यांनी केले आहे. मुंबईत 500 चौरस फुटांच्या घरांचा कर माफ केल्याचा संदेश घराघरात पोहोचविण्याचे काम करा, असे स्पष्ट आदेश त्यांनी यावेळी दिला. (Chief Minister Uddhav Thackeray gave this order to Shiv Sainiks, corporators and MLAs, MPs)

शिवसेना पक्षप्रमुख मुख्यमंत्री उद्धव ठाकरे यांच्या उपस्थितीत मुंबईतील 227 शाखाप्रमुख, विभागप्रमुख, नगरसेवक आमदार, खासदार यांची महत्वाची बैठक झाली. शिवसेना पक्षप्रमुख यांची मुंबईतील शिवसेनेच्या प्रतिनिधींशी व्हिडिओ कॉन्फरन्सिंगद्वारे ही बैठक झाली.

या बैठकीत मुख्यमंत्री पक्ष प्रमुख उद्धव ठाकरे यांनी विभागातील झालेली कामे जनतेपर्यंत पोहोचवा, असा आदेश दिला नुकताच मुंबईतील पाचशे स्क्वेअर फुटाचा मालमत्ता कराचा निर्णय आपण घेतला तो जनतेपर्यंत पोहोचवा, विकास कामाची पोचपावती जनतेला मिळायला हवी.  मी मुख्यमंत्री पदाच्या खुर्चीवर बसलो आहे. तर माझ्यावर वैयक्तिक टीका होत आहे. या टीकेला मी शांतपणे घेत आहे. कारण मी मुख्यमंत्रीपदाच्या खुर्चीवर बसलो आहे. ज्याला दाखवायचे त्याला मीत्याच वेळेला करून दाखवतो. त्यामुळे आता येणाऱ्या निवडणुकीसाठी तयारीला लागा आणि मी वेळीच माझ्या कामाने माझी पोचपावती देतो, असे मुख्यमंत्री उद्धव ठाकरे यांनी सांगितले.

जनतेची कामं करा आणि जनतेपर्यंत पोहोचलं पाहिजे, असा संकल्प करा. होर्डिंग बॅनर लावण्यापेक्षा जनतेपर्यंत पोहोचण गरजेच आहे. मोठ-मोठी बॅनर लावू नका, ती जनतेला आवडत नाहीत, अशा सूचना यावेळी पर्यावरण मंत्री आणि युवा नेते आदित्य ठाकरे यांनी केल्यात. व्हिडिओ कॉन्फरन्सिंग बैठक साडेदहा वाजता सुरू झाली ती साडेअकराला संपली.