सूरजची कबुली, जियासोबत लिव्ह इन संबंध

www.24taas.com, झी मीडिया, मुंबई
अभिनेत्री जिया खान आणि सूरज पांचोली यांचे प्रेमसंबंध होते. हे आता अधिकृत स्पष्ट झालेय. सूरजने आपले जियासोबत लिव्ह इन संबंध असल्याचे स्पष्ट कबुली दिलेय.
दरम्यान, दोघे गेल्या वर्षभरापासून ते दोघे लिव्ह इन संबंध ठेवून होते, अशी धक्कादायक माहिती मुंबई पोलिसांनी न्यायालयात दिली होती. पोलिसांनी केलेल्या या खुलाशानंतर न्यायालयाने या प्रकरणाची चौकशी करण्यासाठी सूरजची १३ जूनपर्यंत पोलीस कोठडीत रवानगी केली.
बॉलीवूड अभिनेत्री जिया खान हिच्या आत्महत्येप्रकरणी मुंबई पोलिसांनी बॉलीवूड अभिनेता आदित्य पांचोली याचा मुलगा आणि जियाचा प्रियकर सूरजला सोमवारीच अटक केली. त्याला रिमांडसाठी आज न्यायालयात हजर करण्यात आले. यावेळी पोलिसांच्या दाखल केलेल्या रिमांड अर्जात जिया आणि सूरजच्या प्रेमसंबंधाचा पोलिसांनी उलगडा केला होता.