मुख्यमंत्री अपघातात थोडक्यात बचावले

www.24taas.com, झी मीडिया, मुंबई
मुख्यमंत्री पृथ्वीराज चव्हाण एका अपघातात थोडक्यात बचावले आहेत. मुख्यमंत्र्यांच्या वाहन ताफ्याला मालाडला शनिवारी रात्री अपघात झाला.
या अपघातात मुख्यमंत्र्यांच्या वाहनाचे नुकसान झाले आहे. अपघातातून मुख्यमंत्री आणि त्यांच्या चालक बचावला आहे.
चालक किरकोळ जखमी झाला आहे. त्याला नजीकच्या सूचक रुग्णालयात दाखल करण्यात आल्याची माहिती पोलिस सूत्रांनी दिली.
उत्तर मुंबई लोकसभा मतदार संघातील काँग्रेसचे उमेदवार संजय निरुपम यांच्या प्रचारासाठी मुख्यमंत्री पश्‍चिम उपनगरात गेले होते. त्यावेळी मालाड व कांदिवलीमधील एका सिग्नलजवळ मुख्यमंत्र्यांच्या ताफ्यातील वाहनाने दुसर्‍या एका वाहनाला धडक दिली.
या धडकेत मुख्यमंत्र्यांच्या वाहनांचा ताफा मागोमाग धडकला. तीन गाड्या एकमेकांवर आदळल्या. त्यात मुख्यमंत्र्यांच्या पायलट कारचा चालक जखमी झाला आहे.