हिवाळी अधिवेशनाआधी दिल्लीत बैठकींचा सिलसिला

नवी दिल्ली : संसदेचं हिवाळी अधिवेशन १६ तारखेपासून सुरु होतं आहे.  त्यापूर्वी दिल्लीमध्ये आज महत्वाच्या बैठका घेण्यात येणार आहेत. दुपारी ४ वाजता भाजपच्या पार्लमेंट कमिटीची बैठक होईल, संध्याकाळी पाच वाजता एनडीए ची बैठक होईल तर रात्री ७ वाजता सुमित्रा महाजन यांच्या अध्यक्षतेखाली सर्व पक्षीय बैठक होईल.

सर्जिकल स्ट्राईक, काळा पैसा रोखण्यावर सरकारचे पाऊल यासंदर्भात एनडीए कडून रणनीती ठरवली जाईल. शिवसेनेने ५०० आणि १ हजार नोटा बंद केल्यावरून भाजपवर टिका केली आहे. तसंच, विरोधकांनी शांततेत सभागृह चालू ठेवण्याचे आवाहन लोकसभा अध्यक्षांकडून केले जाईल. या तिन्ही बैठका संसदेत होणार आहेत.