चांद नवाबला सलमानकडून हवाय मोबदला

नवी दिल्ली : सलमान खानचा 'बजरंगी भाईजान' प्रदर्शित झाला आणि पाकिस्तानाचा पत्रकार चांद नवाब याला एका रात्रीच प्रचंड प्रसिद्धी मिळाली... आता, याच चांद नवाबनं सलमानकडे भरपाई मागितलीय. 

'माझा हेतू सलमानकडून पैसा मिळवणं नाही तर हा पाकिस्तानच्या मानाचा प्रश्न आहे' असं चांद नवाबनं म्हटलंय. 'बजरंगी भाईजान'मधल्या एका भूमिकेसाठी आपण एक प्रेरणा म्हणून उपयोगी पडल्याचं चांद नवाबचं म्हणणं आहे... यासाठीच त्याला सलमानकडून मोबदला हवाय. 

बजरंगी भाईजान या सिनेमात चांद नवाबच्या काही दिवसांपूर्वी व्हायरल झालेल्या एका व्हिडिओवरून नवाजुद्दीन सिद्दीकीची भूमिका रंगवण्यात आलीय. चांद नवाबचा हा व्हिडिओ गेल्या सात वर्षांपासून यूट्यूबवर व्हायरल होतोय. 

आता लक्ष लागलंय ते सलमानच्या प्रतिक्रियेकडे... चांद नवाबच्या या मागणीला सलमान काय उत्तर देतोय ते पाहणं मजेशीर ठरेल.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.