म्हणून करीना कधीच होळी खेळत नाही

मुंबई : होळी म्हटलं की सेलिब्रिटी होळीविषयी सर्वांनाच आकर्षण असतं. बॉलिवूडचे सर्व सेलिब्रिटीज होळी खेळतानाचे फोटो आपल्याला दुसऱ्या दिवशी वृत्तपत्रांमध्ये पाहायला मिळतात. पण, यात तुम्ही कधी करीना कपूरचा फोटो पाहिला नसेल. त्याचं कारणही तसंच आगळंवेगळं आहे. 

करीनाने तिच्या आगामी चित्रपटाच्या प्रमोशनसाठी नुकत्याच एका न्यूज वेबसाईटला एक मुलाखत दिली. तेव्हा ती कधीच होळी खेळत नसल्याचं सांगितलं. त्याचं कारणही भन्नाट आहे. होळीच्या रंगांमुळे आपल्या केसांचा रंग बिघडेल अशी भीती कायम करीनाच्या मनात असते. म्हणून ती होळीच्या रंगात रंगत नाही. 

तिच्यासोबत अर्जुन कपूरनेही मग तो का होळी खेळत नाही याचं कारण दिलं. होळीच्या रंगांचा त्याला त्रास होतो आणि होळीचे रंग त्याला आवडत नाही असं म्हणाला. अर्जुनने दिलेलं कारण तसं सामान्य आहे. पण, करीनाचं कारण भन्नाटच म्हणायला हवं.