'कोण आहे तो? ...' योगराज सिंहच्या 'गोळी मारण्याच्या'च्या दाव्यावर कपिल देव यांच्या प्रतिक्रियेने उडाली खळबळ
Yograj Singh vs Kapil Dev: माजी भारतीय क्रिकेटपटू युवराज सिंगचे वडील योगराज सिंगने माजी कर्णधार कपिल देव यांच्यावर गोळ्या झाडल्याचा धक्कादायक खुलासा सोशल मीडियावर झाला. यावर आता कपिल देव यांचीही प्रतिक्रिया पाहायला मिळत आहे.
)
Kapil Dev: माजी भारतीय क्रिकेटपटू युवराज सिंगचे वडील योगराज सिंग यांनी आपल्या एका वक्तव्याने खळबळ उडवून दिली आहे. योगराज सिंग यांनी माजी कर्णधार कपिल देव यांच्यावर गोळ्या झाडल्याचा धक्कादायक खुलासा सोशल मीडियावर केला. प्रत्येकजण 1983 च्या चॅम्पियन कर्णधाराच्या अर्थात कपिल देवाच्या प्रतिक्रियेची वाट पाहत होता. आता अखेरीस त्यांनी त्यांची प्रतिक्रिया दिली आहे. या चॅम्पियन कर्णधाराच्या एका व्हिडीओने सोशल मीडियावर खळबळ उडवून दिली आहे. कपिल देव यांनी ऑन कॅमेरा योगराज सिंह यांचा अपमान केला आहे.
काय म्हणाले योगराज सिंह?
कपिल देव यांची प्रतिक्रिया पाहण्याआधी, योगराज सिंह काय म्हणाले ते जाणून घेऊयात. 'अनफिल्टर्ड बाय समदीश' या यूट्यूब चॅनलवर ते म्हणाले की, "जेव्हा कपिल देव भारत, नॉर्थ झोन आणि हरियाणाचे कर्णधार होते, तेव्हा त्यांनी मला कोणतेही कारण नसताना वगळले. माझ्या पत्नीची (युवीची आई) इच्छा होती की मी कपिलला प्रश्न विचारावेत. मी त्याला सांगितले की मी या माणसाला धडा शिकवीन. मी पिस्तूल काढले आणि कपिलच्या सेक्टर-9 मधील घरी पोहोचलो. त्यानंतर तो त्याच्या आईसोबत बाहेर आला आणि मी त्याला शिवीगाळ केली. मी त्याला सांगितले की तुझ्यामुळे मी एक मित्र गमावला आहे आणि तू जे केले आहेस त्याची किंमत तुला मोजावी लागेल."
हे ही वाचा: Rohit Sharma: रोहित शर्माने कोणाच्या सांगण्यावरून निवृत्ती घेतली नाही? जाणून घ्या
कपिलने केला योगराज सिंह यांचा अपमान
योगराज सिंह यांच्या वादग्रस्त वक्तव्याचा कपिल देव यांचा व्हिडीओ मोठ्या प्रमाणात व्हायरल होत आहे. मीडियाने प्रश्न विचारल्यावर कपिल म्हणाले, 'तू कोण आहेस, तू कोणाबद्दल बोलत आहेस?'' दुसऱ्या रिपोर्टरने युवराजच्या वडिलांना फोन केला, त्यावर कपिल म्हणाला, 'ठीक आहे, अजून काय?' हे बरेच काही सांगितले गेले आहे.
ही वाचा: रोहित आणि गंभीर बीसीसीआयसमोर हजर, 2 तासांच्या मिटिंगमध्ये काय झालं? झाला मोठा खुलासा
हे ही वाचा: प्रशिक्षकासह 60 जण 2 वर्षांपासून करत होते अल्पवयीन खेळाडूचे लैंगिक शोषण, कसे उघड झाले रहस्य?
योगराजने शूट का केले नाही?
योगराज सिंह पुढे म्हणाले, "मी त्याला सांगितले होते की मला तुझ्या डोक्यात गोळी मारायची आहे, पण मी तसे करत नाहीये कारण तुझ्याकडे देवावर विश्वास ठेवणारी आई आहे." योगराज सिंह याआधीही अनेकदा मोठ्या वादात सापडले आहेत. मात्र यावेळी त्यांनी आपल्या वक्तव्याने सर्वांनाच हादरवून सोडले आहे.