யூரிக் அமில பிரச்சனை இருக்கா... நீங்கள் சாப்பிடக்கூடாத சில உணவுகள்

யூரிக் அமில நோயாளிகள் சில உணவுகளை நிச்சயம் தவிர்க்க வேண்டும். யூரிக் அமிலம் அளவு உடலில் அளவிற்கு அதிகமானால் மூட்டு வலி, வீக்கம், உடல் விறைப்பு போன்ற பிரச்சனைகள் வரலாம்.

யூரிக் அமில நோயாளிகள் தங்கள் உணவுப் பழக்கத்தில் சிறப்பு கவனம் செலுத்த வேண்டும். யூரிக் அமில அளவை அதிகரிக்கக்கூடிய சில உணவுகளை நிச்சயம் தவிர்க்க வேண்டும். யூரிக் அமிலம் அளவு உடலில்  அளவிற்கு அதிகமானால் மூட்டு வலி, வீக்கம், உடல் விறைப்பு போன்ற பிரச்சனைகள் வரலாம். அதோடு, சிறுநீரக கற்கள் மற்றும் கீல்வாதம் ஏற்படும் அபாயம் அதிகரிக்கும் யூரிக் ஆசிட் நோயாளிகள் தவிர்க்க வேண்டிய உணவுகளை இந்த கட்டுரையில் அறிந்து கொள்வோம்

1. சிவப்பு இறைச்சி

சிவப்பு இறைச்சியில் பியூரின்கள் அதிக அளவில் காணப்படுகின்றன. எனவே, யூரிக் அமில நோயாளிகள் சிவப்பு இறைச்சி உணவுகளை அளவோடு உண்ண வேண்டும் அல்லது முற்றிலும் விட்டுவிட வேண்டும். சிவப்பு இறைச்சியில் பன்றி இறைச்சி, ஆட்டிறைச்சி போன்றவை அடங்கும்.

2. சுத்திகரிக்கப்பட்ட கார்போஹைட்ரேட்டுகள்

வெள்ளை அரிசி, மாவு மற்றும் சர்க்கரை போன்ற சுத்திகரிக்கப்பட்ட கார்போஹைட்ரேட்டுகள் யூரிக் அமில அளவை அதிகரிக்கும். எனவே, யூரிக் அமில நோயாளிகள் தங்கள் உட்கொள்ளலைக் குறைக்க வேண்டும்.

3. புரதம் நிறைந்த உணவுகள்

புரதம் (Protein) நிறைந்த உணவுகள் ஆரோக்கியத்திற்கு (Health Tips) மிக முக்கியம். ஆனால், உடலில் யூரிக் அமில அளவு அதிகமாக இருந்தால், இவற்றை அளவிற்கு அதிகமாக சாப்பிடுவக்தை தவிர்க்க வேண்டும். ஏனெனில் அளவிற்கு அதிக புரதம் பியூரின்களை அதிகரிக்கிறது. இது யூரிக் அமிலத்தின் அளவை அதிகரிக்கிறது. 

4. பியூரின் அதிகம் உள்ள காய்கறிகள்

யூரிக் அமில நோயாளிகள் கீரை வகைகள், காளான்கள் போன்றவற்றை அளவிற்கு அதிகமாக உட்கொள்ள வேண்டாம். ஏனெனில் அவற்றில் அதிக அளவு பியூரின்கள் உள்ளன. இதனால் யூரிக் அமிலத்தின் அளவு அதிகரிக்கும்.

5. மீன் மற்றும் கடல் உணவுகள்

மீன் மற்றும் இறால் போன்ற சில கடல் உணவுகளில் அதிக அளவு பியூரின்கள் உள்ளன. எனவே, யூரிக் ஆசிட் நோயாளிகளும் தங்கள் உட்கொள்ளலைக் குறைக்க வேண்டும். அதிக அளவு பியூரின்கள், யூரிக் அமிலத்தின் அளவை அதிகரிக்கும்.

6. இனிப்பு பானங்கள்

இனிப்பு பானங்களில் அதிக அளவு பிரக்டோஸ் உள்ளது. இது யூரிக் அமில அளவை அதிகரிக்கும். எனவே, யூரிக் அமில நோயாளிகள் இந்த பானங்களை அருந்துவதை தவிர்க்க வேண்டும்.

7. பதப்படுத்தப்பட்ட உணவுகள்

அதிக யூரிக் அமிலம் உள்ள நோயாளிகள் பதப்படுத்தப்பட்ட உணவுகளை கண்டிப்பாக தவிர்க்க வேண்டும். துரித உணவுகளுகம் நல்லதல்ல. இவை உடலில் யூரிக் அமிலத்தின் அளவை அதிகரிப்பதோடு மட்டுமல்லாமல், நிறைவுற்ற கொழுப்பு மற்றும் டிரான்ஸ் கொழுப்பு அதிகம் உள்ளது, எனவே, இது இதய நோயாளிகளுக்கு ஆபத்தானது. சிறுநீரக செயல்பாட்டையும் பாதிக்கிறது.

8. மது பானங்கள்

மது அருந்துவது பொதுவாகவே ஆரோக்கியத்திற்கு கேடு. அதோடு, யூரிக் அமிலத்தின் அளவையும் மது பானங்கள் அதிகரிக்கும். மது அருந்துவதால் உடலில் யூரிக் அமிலம் உற்பத்தி அதிகரித்து யூரிக் அமிலத்தை அகற்றும் சிறுநீரகத்தின் திறனை குறைக்கும்.

பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!