நமது வயிற்றுப் பகுதியில் இரைப்பைக்கு கீழே இடப்பக்கமாக இருக்கும் இலை வடிவ உறுப்பு தான் கணையம். செரிமானத்திற்கு உதவும் என்சைம்கள் மற்றும் தாதுக்கள் அடங்கிய திரவத்தை கணையம் சுரக்கிறது. அது மட்டும் இன்றி, குளுக்ககான், இன்சுலின் போன்ற ஹார்மோன்களை சுரப்பதும் கணையத்தின் வேலையாகும்.
வயிற்றின் மிக முக்கிய உறுப்பான கணையம் செரிமான செயல்முறைக்கு உதவும் நொதிகளை சுரக்கச் செய்து, ரத்த சர்க்கரையை கட்டுப்படுத்தும் தேவையான ஹார்மோன்களை உற்பத்தி செய்கிறது
கணையத்தில் சுரக்கும் இன்சுலின் மற்றும் குளுக்ககான் ஆகிய ஹார்மோன்கள் தான் சர்க்கரையை கட்டுக்குள் வைத்துவிட்டு உதவுகிறது. ஏதாவது ஒரு காரணத்தினால் கணையம் பாதிக்கப்படும் போது நீரழிவு நோய் என்னும் சர்க்கரை வியாதி ஏற்படுகிறது.
இன்றைய மோசமான வாழ்க்கை முறை, உணவு முறை, சில வகை மருந்துகளின் பக்க விளைவுகள் போன்றவற்றால் கணையம் பாதிக்கப்படலாம். இந்நிலையில் கணைய பாதிப்பை எடுத்துக்காட்டும் சில அறிகுறிகள் குறித்து எச்சரிக்கையாக இருந்தால் பல பிரச்சனைகளை தவிர்க்கலாம்.
வயிற்று வலி
அடிக்கடி ஏற்படும் வயிற்று வலி, கணைய பாதிப்பை எடுத்துரைக்கும் எச்சரிக்கையாக இருக்கலாம். செரிமானம் மோசமாக இருக்கும்போது, வயிற்று வலி, வயிற்றில் வீக்கம் போன்றவை ஏற்பட வாய்ப்பு உண்டு. கணையம் என்சைம்களை சரியாக சுரக்காததால் இது போன்ற பாதிப்புகள் ஏற்படும்.
உடல் எடை குறைதல்
காரணம் இல்லாமல் உடல் எடை குறைவது, கணைய பாதிப்பின் அறிகுறியாக இருக்கலாம். ஏனென்றால் கணையம் சரியாக வேலை செய்யவில்லை என்றால், நாம் சாப்பிடும் உணவில் உள்ள ஊட்டச்சத்துக்கள் உடலில் சேராது. இதனால் படிப்படியாக உடல் எடை குறைவதோடு உடல் பலவீனமும் ஏற்படும்.
அடிக்கடி ஏற்படும் வாந்தி
அடிக்கடி ஏற்படும் வாந்தி கணைய பாதிப்பின் எச்சரிக்கை அறிகுறியாக இருக்கலாம். செரிமானம் சரியாக இல்லை என்றால் வாந்தி ஏற்படும். கணைய பாதிப்பில் என்சைம்ங்கள் சரியாக வெளியேறாமல் செரிமான முற்றிலுமாக பாதிக்கப்படுவதால், கணையத்தால் கொழுப்பை செரிமானம் முடியாமல் வாந்தி குமட்டல் ஆகியவை ஏற்படும்.
வயிற்றுப்போக்கு
செரிமான பிரச்சனைகளில் ஒன்றான வயிற்றுப்போக்கும் பாதிப்பின் எச்சரிக்கை அறிகுறியாக இருக்கலாம். உடல் கொழுப்பு மற்றும் புரதங்களை செரிமானம் செய்ய இயலாத போது வயிற்றுப்போக்கு ஏற்படுகிறது.
வயிற்று உப்புசம்
சாப்பிட்டவுடன் ஏற்படும் வயிற்று உப்புசம், கணைய பாதிப்பின் எச்சரிக்கை அறிகுறிகள். ஏனெனில் கணையம் பாதிக்கப்பட்டால், உணவை செரிமானம் செய்ய உதவும் காஸ்ட்ரிக் அமிலத்தை கணையம் சுரக்காது.
கணையத்தை வலுவாக்கும் ஆற்றல் கொண்ட சில உணவுகள்
1. காளானில் நார்ச்சத்து, பொட்டாசியம், வைட்டமின் டி2 ஆகியவை உள்ளதால் கணைய பாதுகாப்பிற்கு ஏற்ற குறைந்த கலோரி கொண்ட உணவு.
2. மஞ்சளில் உள்ள குர்குமின் கணைய பாதுகாப்பிற்கு உதவுகிறது. இது உடலின் நோய் எதிர்ப்பு சக்தி அதிகரிப்பதோடு கணைய புற்று நோய் வருவதையும் பெரிதும் தடுக்கும்.
3. வைட்டமின் சி சத்து நிறைந்த ஆரஞ்சு எலுமிச்சை சாத்துக்குடி போன்றவற்றை அடிக்கடி எடுத்துக் கொள்வதால் கணையம் வலுப்படும்.
4. காய்கறிகளில் இளம் சிவப்பு, மஞ்சள் மற்றும் ஆரஞ்சு நிறங்களில் உள்ள காய்கறிகளில், பீட்டா கரோட்டின் சத்து அதிகமாக இருப்பதால், கணையத்தை புற்றுநோய் ஏற்படாமல் பாதுகாக்கும்.
5. பயோடிக் பண்பு நிறைந்த தயிர் செரிமானத்தை மேம்படுத்துவதோடு, கணையத்தில் ஏற்படும் நோய் தொற்றுகளையும் தடுக்கிறது.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)
மேலும் படிக்க | Liver Detox: கல்லீரலில் சேரும் நச்சுக்களை செலவில்லாமல் நீக்கும் சூப்பர் ட்ரிங்க்..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
