புதுடெல்லி: நாடு முழுவதும் இன்று அதிகாலையில் எஸ்.டி.பி.ஐ., பாப்புலர் ஃப்ரண்ட் ஆஃப் இந்தியா நிர்வாகிகளின் வீடுகள் மற்றும் அலுவலகங்களில் நடத்தப்பட்ட சோதனைகள் மற்றும் அதன் தலைவர்கள் கைது செய்யப்பட்டதை எஸ்.டி.பி.ஐ. கட்சியின் தேசியத் தலைவர் எம்.கே.ஃபைசி கடுமையாக சாடியுள்ளார். தேசத்தின் வளர்ச்சியில் முற்றாகத் தோற்றுப்போய்விட்ட கேடுகெட்ட பாசிச ஆட்சி, ஆட்சியில் தங்களின் தோல்வியை மறைக்க நாட்டின் நிழல் எதிரியை உருவாக்குகிறது என்று எஸ்.டி.பி.ஐ தலைவர் குற்றம் சாட்டுகிறார்..
பாப்புலர் ஃப்ரண்ட் ஆஃப் இந்தியாவின் நூற்றுக்கும் மேற்பட்ட முக்கியத் தலைவர்களும், எஸ்.டி.பி.ஐ. கட்சியின் ஒரு சில தலைவர்களும் நேற்று நள்ளிரவுக்குப் பிறகு நாடு முழுவதும் கைது செய்யப்பட்டுள்ளதாகத் தெரிவிக்கப்படுகிறது. கைது செய்யப்பட்டவர்களில் பாப்புலர் ஃப்ரண்ட் ஆஃப் இந்தியாவின் தேசிய மற்றும் மாநில தலைவர்களும் அடங்குவார்கள் என்பது குறிப்பிடத்தக்கது.
மேலும் படிக்க | பாப்புலர் ஃப்ரண்ட் ஆஃப் இந்தியா இடங்களில் என்ஐஏ ரெய்டு
இந்துத்துவா ஆட்சியின் கைகளில் இருக்கும் இரண்டு அடிமைக் கருவிகளான என்.ஐ.ஏ. (NIA ) மற்றும் அமலாக்கத்துறை (ED) தான் எதிரிகளை மிரட்டி தலைவர்களின் வீடுகளில் சோதனை நடத்தி அவர்களை கைது செய்தது என்று அவர் விடுத்த அறிக்கை கூறுகிறது.
நாடு தழுவிய அளவில் தலைவர்களின் வீடுகளில் நடத்தப்படும் சோதனைகள் எதிர்ப்புக் குரல்களை ஒடுக்குவதற்கான முயற்சிகளின் உறுதியான அறிகுறியாகும். நாட்டில் பாசிச அட்டூழியங்களைப் பற்றி பிரதான அரசியல் கட்சிகள் வாய்மூடி மௌனமாகிவிட்ட கடந்த சில ஆண்டுகளில், நாட்டை ஆபத்தில் இட்டுச் செல்லும் இந்துத்துவா பாசிஸ்டுகளின் பிரித்தாளும் அரசியலுக்கு எதிராகவும், ஜனநாயக விரோதத்திற்கு சவால் விடுவதில் எதிர்க்கட்சிகளின் பங்கை எடுத்துக்கொண்டது எஸ்.டி.பி.ஐ. கட்சியும், பாப்புலர் ஃப்ரண்ட் ஆஃப் இந்தியாவும் தான்.
ஆர்.எஸ்.எஸ் தலைமையிலான பாசிச ஆட்சி, எதிர்ப்புக் குரல்களை அடக்கி ஒடுக்கி, இதுபோன்ற சோதனைகள் மற்றும் கைது நடவடிக்கைகளால் கனவு காண்கிறது என்றால், அது கனவாகவே இருக்கும் என்றார் பைஸி.
மேலும் படிக்க | துள்ளி குதிக்கும் கன்றுக்குட்டியின் வைரல் வீடியோ! குட்டிக் கன்றின் சுட்டித்தனம்
தலைவர்களின் சோதனைகள் மற்றும் கைதுகள் அமைப்புகளை அரக்கத்தனமாக சித்தரிக்கவும், நாட்டின் அப்பாவி மக்கள் மத்தியில் ஃபோபியாவை உருவாக்கவும், நாட்டின் எதிரியாக கருதப்படுவதையும் குறிக்கின்றன. இடைவிடாத குற்றச்சாட்டுகள் மற்றும் சோதனைகள் இருந்தபோதிலும், அமைப்புகளுக்கு எதிரான தேச விரோத நடவடிக்கைகள் அல்லது நிதி முறைகேடு தொடர்பான எந்தவொரு குற்றங்களையும் நிரூபிக்க ஆட்சி தவறிவிட்டது. இத்தகைய் அநியாயமான சோதனைகள் மற்றும் கைதுகள் மக்களின் போராட்டங்கள் மூலம் வீழ்த்தப்படும்.
பாசிச ஆட்சியின் நியாயமற்ற மற்றும் ஜனநாயக விரோத செயல்களுக்கு எதிராக நாட்டில் உள்ள மதச்சார்பற்ற அரசியல் கட்சிகள் மௌனம் சாதிப்பது மிகவும் கவலைக்குரியது மற்றும் வருந்தத்தக்கது என்றும் பைஸி சுட்டிக்காட்டினார். அனைத்து மதச்சார்பற்ற கட்சிகளும் ஒன்றிணைந்து இந்துத்துவ பாசிச ஆட்சியை எதிர்த்து தோற்கடிக்க முன்வர வேண்டும் என்றும் அவர் வலியுறுத்தினார்.
மேலும், கைது செய்யப்பட்ட அனைத்து தலைவர்களையும் உடனடியாக விடுதலை செய்ய வேண்டும் என்று கோரிக்கை விடுத்துள்ளார். அரசாங்கத்தின் ஜனநாயக விரோத பாசிசச் செயல்களுக்கு எதிராக நாட்டின் மதச்சார்பற்ற குடிமக்களை உள்ளடக்கிய ஜனநாயகப் போராட்டங்களுக்கு எஸ்.டி.பி.ஐ. கட்சி தலைமை தாங்கும் என்றும் அவர் எச்சரிக்கை விடுத்தார்.
மேலும் படிக்க | தமிழகத்தில் பல்வேறு இடங்களில் அதிரடி சோதனையை தொடங்கியது தேசிய புலனாய்வு முகமை
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
