Best Vegetarian Sources of Vitamin B12: நமது உடலின் சீரான செயல்பாட்டிற்கு பல வித வைட்டமின்கள் தேவைப்படுகின்றன. இவற்றில் வைட்டமின் பி12 உடலுக்கு அவசியமான ஒரு ஊட்டச்சத்தாக கருதப்படுகின்றது. இது இரத்த சிவப்பணுக்களின் உருவாக்கம், டிஎன்ஏ தொகுப்பு மற்றும் நரம்பு மண்டலத்தின் சரியான செயல்பாடு ஆகிய பணிகளில் முக்கிய பங்கு வகிக்கிறது.
Vitamin B12 Deficiency
வைட்டமின் பி12 குறைப்பாடு உடலில் பல வித பிரசனைகளை ஏற்படுத்தும். இதன் குறைபாடு இரத்த சோகை, சோர்வு, நினைவாற்றல் இழப்பு மற்றும் நரம்பு மண்டலம் தொடர்பான பிரச்சனைகளை ஏற்படுத்தும்.
பொதுவாக, வைட்டமின் பி 12 அதிக அளவில் அசைவ உணவுகளில் காணப்படுகின்றது. இறைச்சி, மீன், முட்டை மற்றும் பால் பொருட்கள் போன்ற விலங்குகளிலிருந்து பெறப்படும் பொருட்களிலிருந்து நமக்கு அதிக அளவில் வைட்டமின் பி12 கிடைக்கின்றது. ஆனால், சைவ உணவு உண்பவர்களுக்கு வைட்டமின் பி12 குறைபாடு ஒரு சவாலாக இருக்கலாம். ஏனெனில் தாவர அடிப்படையிலான மூலங்களில் மிகக் குறைந்த அளவு வைட்டமின் பி12 உள்ளது.
சைவ உணவுப்பழக்கம் உள்ளவர்கள் வைட்டமின் பி12 -ஐ எவ்வாறு பெறுவது? இவர்களுக்கு வைட்டமின் பி12 குறைபாடு ஏற்பட்டால் என்ன செய்வது? கவலை வேண்டாம். வைட்டமின் பி12 தேவையை பூர்த்தி செய்ய உதவும் சில பழங்கள் மற்றும் காய்கறிகள் உள்ளன. வைட்டமின் பி12 குறைபாடு உள்ளவர்கள் அதை சரி செய்ய உட்கொள்ள வேண்டிய 5 சைவ உணவுகளை பற்றி இந்த பதிவில் காணலாம்.
Mushroom: காளான்
காளான்களில் அதிக அளவு வைட்டமின் பி12 உள்ளது. காளான்கள் மண்ணில் காணப்படும் பாக்டீரியாக்களுடன் தொடர்பு கொள்கின்றன. அவை வைட்டமின் பி12 ஐ உற்பத்தி செய்கின்றன. இருப்பினும், காளான்களில் வைட்டமின் பி12 அளவு அவற்றின் இனம் மற்றும் சாகுபடி முறையைப் பொறுத்தது. இவற்றை சாலட், சூப் அல்லது கறியாக செய்து சாப்பிடலாம்.
Beetroot: பீட்ரூட்
பீட்ரூட் பல ஊட்டச்சத்துகள் நிறைந்த ஒரு காயாகும். இது இரும்புச்சத்து, ஃபோலேட் மற்றும் ஆண்டிஆக்சிடெண்டுகள் நிறைந்தது. இதில் மிகக் குறைந்த அளவு வைட்டமின் பி12 இருந்தாலும், உடலில் வைட்டமின் பி12 உறிஞ்சப்படுவதை அதிகரிக்க இது உதவும். பீட்ரூட்டை சாறு, சாலட் அல்லது கறியாக சாப்பிடலாம்.
Spinach: கீரை
பசலைக் கீரை ஒரு சத்தான கீரை வகையாகும். இது இரும்புச்சத்து, கால்சியம் மற்றும் வைட்டமின் கே நிறைந்தது. பசலைக் கீரையில் வைட்டமின் பி12 குறைவாக இருந்தாலும், இது ஃபோலேட்டின் நல்ல மூலமாக உள்ளது. இது வைட்டமின் பி12 உடன் சேர்ந்து இரத்த சிவப்பணுக்கள் உருவாவதற்கு உதவுகிறது. பசலைக் கீரையை மசியல், குழம்பு, சூப் என பல வகைகளில் உட்கொள்ளலாம்.
Banana: வாழைப் பழம்
வாழைப்பழம் ஒரு சத்தான பழமாகும், இதில் பொட்டாசியம், வைட்டமின் பி6 மற்றும் நார்ச்சத்து நிறைந்துள்ளது. வாழைப்பழத்தில் வைட்டமின் பி12 அளவு மிகக் குறைவாக இருந்தாலும், அது உடலில் வைட்டமின் பி12 உறிஞ்சுதலை அதிகரிக்க உதவும். வாழைப்பழங்களை நேரடியாகவோ அல்லது ஸ்மூத்தி மற்றும் ஷேக் வடிவிலோ உட்கொள்ளலாம்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | உடல் எடை உடனே குறைய இலவங்கப்பட்டையை இப்படி சாப்பிடுங்க போதும்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
