How To Burn Lose Weight When You Are Sleeping : உடல் எடையை குறைக்க வேண்டும் என்றால், அதற்கென நாம் தனியாக சில மெனக்கெடல்களை மேற்கொள்ள வேண்டியிருக்கிறது. பிரத்யேக டயட், உடற்பயிற்சிகள் என பல விஷயங்கள் இருந்தாலும், நமது தூக்கமும் கூட இதற்கு உதவும் என சில ஆராய்ச்சியாளர்கள் கூறுகின்றனர். இப்படி இரவில் உறங்கும் போது உடல் எடையை குறைப்பது என்பது, உடலின் மெட்டபாலிசத்தை சரியாக சேர்த்து, கொழுப்பை கரைய வைக்கும் முயற்சியாகும். எனவே, இரவில் உறங்கும் போது எடையை குறைக்க என்னென்ன செய்யலாம் என்பது குறித்து இங்கு பார்ப்போம்.
சரியான உறக்கம்:
மனிதர்கள் அனைவருக்குமே 7-9 மணி நேரம் சரியாக உறங்க வேண்டும் என்பது அனைவருக்கும் தெரியும். அதிலும் உடல் எடையை குறைக்க நினைப்பவர்களுக்கு சரியான உறக்கம் எனபது மிகவும் முக்கியம். சரியாக உறங்காமல் இருந்தால், நமக்கு பசி எடுக்கும் ஹார்மோன்கள் அதிகரித்து, அதிகமாக சாப்பிட வைத்துவிடும். எனவே, ஒரு நாளைக்கு கண்டிப்பாக 8 மணி நேரம் உறங்க வேண்டியது நல்லது.
சரியான உறக்கத்திற்கு, 18-22 டிகிரி செல்சியஸ் அளவில் இருக்கும் சூடான அறையில் உறங்கலாம். தூங்க செல்வதற்கு 30-60 நிமிடங்களுக்கு முன்பு டிவி அல்லது செல்போனை பார்ப்பதை தவிர்க்கவும். இதனால் வரும் ப்ளூ லைட் ரேடியேஷன் நம் தூக்கத்தை பாதிக்கலாம்.
உறங்கும் போது கலோரிகளை எரிக்க..
உறங்கும் போது கலோரிகளை எரிக்கவும் சில ட்ரிக்ஸ்கள் இருப்பதாக மருத்துவர்கள் தெரிவிக்கின்றனர். இது குறித்து தெரிவிக்கும் ஒரு மருத்துவர், இரவில் உறங்கும் போது கலோரிகளை குறைக்க, புரோட்டின் நிறைந்த உணவுகளை எடுத்துக்கொள்ள வேண்டும் என்று கூறுகின்றனர். இதனால், உணவுகளின் செரிமானம் சரியாக நடப்பதோடு, கலோரிகள் கரையவும் விரைவில் வழிவகுக்கிறதாம்.
இது போன்ற புரதம் நிறைந்த உணவுகளை எடுத்துக்கொள்வதால், நள்ளிரவில் பசி எடுக்காது, ஸ்னாக்ஸ் சாப்பிடவும் தோன்றாது. இதனால், சைவ உணவு சாப்பிட பிடித்தவர்கள் சோயா பீன், சுண்டல், அசைவ உணவு உள்ளிட்டவற்றை சாப்பிடலாம். அசைவம் சாப்பிட விரும்புபவர்கள் சிக்கன், மீன், முட்டை ஆகியவற்றை எடுத்துக்கொள்ளலாம்.
இரவில் செய்ய வேண்டிய உடற்பயிற்சிகள்:
உடற்பயிற்சி செய்ய விரும்புபவர்கள், மாலை வேளைகளில் உறங்க செல்வதற்கு முன்பு லைட்டான வெயிட் லிஃப்டிங் செய்யலாம். அல்லது உடலுக்கு உழைப்பு தரும் கார்டியோ உடற்பயிற்சிகளை செய்யலாம். இதனால், நீங்கள் உறங்கும் போதும் கலோரிக்களை குறைக்கலாம் என கூறப்படுகிறது.
இரவில் உறங்க செல்லும் முன்பு கேசீன் புரதம் நிறைந்த பால் உணவுகளை சாப்பிடலாம். உதாரணத்திற்கு பால், தயிர் அல்லது பனீர் உள்ளிட்டவற்றை சாப்பிடலாம். இது, ஒரே இரவில் தசை தளர்ச்சியை உருவாக்கி, கொழுப்பு கரையவும் உதவும்.
மன நலன்:
உடல் எடையை குறைப்பில் நம் உடலில் இருக்கும் Cortisol அளவும் பெரிய பங்கினை வகிக்கிறது. இதுதான் உடலில் கொழுப்பை குறைக்கவும் வழிவகுக்கிறது. மன நலனை சரியாக இல்லை என்றால், உடல் எடையையும் சரியாக குறைக்க முடியாது. எனவே, ஆழ்ந்த மூச்சு பயிற்சி, தியானம் உள்ளிட்ட முயற்சிகளை மேற்கொள்ள வேண்டியது அவசியம். இது, மனதை சாந்தப்படுத்துவதோடு ஆழ்ந்த தூக்கத்தையும் வரவழைக்க செய்யும்.
மேலும் படிக்க | 2 வருடத்தில் 30 கிலோ குறைத்த நடிகை சோனாக்ஷி! வெறும் வயிற்றில் ‘இதை’ செய்வாராம்..
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
