PMAY எனப்படும் பிரதம மந்திரி ஆவாஸ் யோஜானா திட்டம் என்பது மத்திய அரசின் முதன்மைத் திட்டமாகும். இது ஏழைகள் மத்தியில் உள்ள நகர்ப்புற வீட்டுப் பற்றாக்குறையை நிவர்த்தி செய்வதை நோக்கமாகக் கொண்டுள்ளது.
பொருளாதாரத்தில் பின்தங்கிய பிரிவினர் (EWS), குறைந்த மற்றும் நடுத்தர வருமான தரப்பைச் சேர்ந்தவர்களுக்கு இத்திட்டம் பயனாளிகளாக கொண்டுள்ளது. இத்திட்டத்தின் கீழ், அரசு பயனாளிகளின் கணக்குகளுக்கு பணத்தை செலுத்துகிறது. இதன்மூலம் அவர்கள் சொந்தமாக வீடு பெற முடியும். இத்திட்டத்தின் கீழ், குடும்பத்தின் பெண் தலைவி வீட்டின் உரிமையாளரான இணை உரிமையாளராக இருப்பதை மத்திய அரசு கட்டாயமாக்கியுள்ளது.
அந்த வகையில், உத்தர பிரதேசத்தில் இந்த திட்டத்தின்கீழ், நிதியினை பெற்று திருமணமான நான்கு பெண்கள் தங்களின் கணவரை விட்டுவிட்டு, காதலர்களுடன் தப்பியோடிவிட்ட சம்பவம் நடந்துள்ளது. இருப்பினும், இந்த சம்பவத்தின் விளைவாக, கணவர்கள் இப்போது இரண்டு வெவ்வேறு பிரச்சனைகளை எதிர்கொள்ள வேண்டிய நிலைக்கு தள்ளப்பட்டுள்ளனர்.
வீட்டின் கட்டுமானப் பணிகள் தொடங்காததால், மாவட்ட நகர்ப்புற மேம்பாட்டு முகமையிடமிருந்து (DUDA) அவர்களுக்கு எச்சரிக்கை விடுத்துள்ளது. மேலும் அவர்கள் மீட்கும் அறிவிப்பைப் பெறுவார்கள் என்று கவலைப்படுகிறார்கள். ஏனெனில் அவர்கள் தவணையில் பணம் எதுவும் பெறவில்லை.
குழப்பமடைந்த கணவன்மார்களுக்கு இப்போது என்ன செய்வது என்று தெரியவில்லை, அதனால்தான் அவர்கள் தங்களைவிட்டுச் சென்ற மனைவிகளின் வங்கிக் கணக்குகளுக்கு அடுத்த தவணையை அனுப்ப வேண்டாம் என்று அதிகாரியிடம் கேட்டுள்ளனர்.
மாவட்டத்தின் நகர் பஞ்சாயத்து பெல்ஹாரா, பாங்கி, ஜைத்பூர், சித்தார் ஆகிய நான்கு பெண்களின் வங்கி கணக்குகளுக்கு வீடு கட்டுவதற்கான தவணை அனுப்பப்பட்டது. ஆனால் அவர்கள் காதலர்களுடன் அந்த பணத்தை வைத்துக்கொண்டு தப்பினர்.
இவர்களது வீடுகள் கட்டும் பணி தொடங்காத நிலையில் இந்த வினோத சம்பவம் அதிகாரிகளின் கவனத்துக்கு வந்தது. துடா திட்ட அதிகாரி சவுரப் திரிபாதி, நோட்டீஸ் அனுப்பி, வீடு கட்டும் பணியை உடனடியாக துவங்க உத்தரவிட்டும், அறிவிப்புக்கு பின், எந்த வளர்ச்சியும் ஏற்படவில்லை.
பெண்களின் கணவர்கள் இறுதியாக அரசு அதிகாரிகளிடம் தங்கள் மனைவிகள் அவர்களின் காதலர்களுடன் சென்றுவிட்டதாகவும், வீடு கட்டும் திட்டத்தின் இரண்டாவது தவணையை அவர்களின் கணக்கில் வரவு வைக்க வேண்டாம் என்றும் கேட்டுக் கொண்டனர். இந்த பிரதம மந்திரி ஆவாஸ் யோஜானா திட்ட பயனாளிகளிடம் பணத்தை எப்படி வசூலிப்பது என தெரியாமல் மாவட்ட அதிகாரிகள் திகைத்து வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
