Russia-Ukraine War: உக்ரைன் மீது போர் தொடுத்திருக்கும் ரஷ்யாவுக்கு ஃபீஃபா விதித்துள்ள FIFA தடையால், 2018 உலகக் கோப்பையை நடத்திய நாடு, 2022ல் போட்டிகளிலேயேபங்கேற்க முடியாத நிலை உருவாகியுள்ளது.
டிசம்பர் 1991 முதல் ரஷ்யா 4 உலகக் கோப்பைப் போட்டிகளில் பங்கேற்றுள்ளது. யு.எஸ்.எஸ்.ஆர் என்பதில் இருந்து மாறி, ரஷ்யாவாக உலகக் கோப்பையில் பங்கேற்ற நாடு, 2018 இல் தங்கள் நாட்டில் போட்டி நடத்தியபோது காலிறுதிப் போட்டி வரை வந்தது.
உலக கால்பந்து அமைப்பான ஃபிஃபா திங்கள்கிழமை (பிப்ரவரி 28, 2022) அனைத்து ரஷ்ய கால்பந்து அணிகளையும் இந்த ஆண்டின் இறுதியில் நடைபெறவிருக்கும் உலகக் கோப்பை உட்பட சர்வதேச நிகழ்வுகளில் இருந்து தடை செய்தது.
FIFA/UEFA suspend Russian clubs and national teams from all competitions
https://t.co/Q2htzW3W9z pic.twitter.com/LFo1bUtqmm
— FIFA Media (@fifamedia) February 28, 2022
மார்ச் 24 அன்று போலந்துக்கு எதிராக ரஷ்யா உலகக் கோப்பை பிளேஆஃப் ஆட்டத்தில் விளையாட இருந்தது. ஆனால் போலந்து ஏற்கனவே ரஷ்யாவுக்கு எதிராக விளையாட மறுத்துவிட்டது என்பதும் குறிப்பிடத்தக்கது.
உக்ரைன் மீதான ரஷ்யாவின் படையெடுப்பு தொடர்ந்ததால், விளையாட்டு அமைப்புகள் ரஷ்ய விளையாட்டு வீரர்கள் சர்வதேச நிகழ்வுகளில் போட்டியிடுவது தடை செய்யப்படும் என்ற கடுமையான நிலைப்பாட்டை உலக நாடுகள் எடுத்துள்ளன.
மேலும் படிக்க | கிளஸ்டர் வெடிபொருட்களை பயன்படுத்துகிறது ரஷ்யா - உக்ரைன் புகார்
FIFA மற்றும் UEFA ஆகியவை ரஷ்யாவின் தேசிய அணிகள் மற்றும் கிளப்புகளை சர்வதேச கால்பந்தில் இருந்து இடைநீக்கம் செய்தன. இந்த நடவடிக்கையால், இந்த ஆண்டு உலகக் கோப்பை மற்றும் பெண்கள் யூரோ 2020 போட்டியில் இருந்து ரஷ்யா விலக்கப்படும்.
"FIFA மற்றும் UEFA இன்று அனைத்து ரஷ்ய அணிகளும், தேசிய பிரதிநிதி அணிகள் அல்லது கிளப் அணிகளாக இருந்தாலும், மறு அறிவிப்பு வரும் வரை FIFA மற்றும் UEFA போட்டிகள் இரண்டிலும் பங்கேற்பதில் இருந்து இடைநீக்கம் செய்யப்படும்" என்று UEFA ஒரு அறிக்கையில் தெரிவித்துள்ளது.
இந்த தடைக்கு பதிலளித்த ரஷ்ய கால்பந்து கூட்டமைப்பு அறிக்கை ஒன்றை வெளியிட்டுள்ளது. தடை முடிவை ஏற்கவில்லை என்று திட்டவட்டமாக கூறும் ரஷ்யா, இது 'விளையாட்டுகளின் மாண்புகளுக்கு' எதிரானது என்றும் கூறியது.
ஸ்பார்டக் மாஸ்கோவுடனான கடைசி-16 போட்டி ரத்துசெய்யப்பட்ட பின்னர், யூரோபா லீக் காலிறுதிக்கு RB லீப்ஜிக் வெளியேறியதை UEFA உறுதிப்படுத்தியது மற்றும் ரஷ்ய எரிசக்தி நிறுவனமான Gazprom உடனான அதன் ஸ்பான்சர்ஷிப் ஒப்பந்தத்தை நிர்வாகக் குழு ரத்து செய்துள்ளது.
மேலும் படிக்க | ஐநா பாதுகாப்பு கவுன்சிலில் அரசியல் ஆதரவை கோரும் உக்ரைன் அதிபர்
IOC தடை
முன்னதாக திங்களன்று, சர்வதேச ஒலிம்பிக் கமிட்டியின் (ஐஓசி) நிர்வாகக் குழு, ரஷ்ய மற்றும் பெலாரஷ்ய விளையாட்டு வீரர்கள் மற்றும் அதிகாரிகள் நிகழ்வுகளில் போட்டியிடுவதை தடை செய்ய விளையாட்டு கூட்டமைப்புகளுக்கு பரிந்துரைத்தது.
சர்வதேச விளையாட்டுப் போட்டிகளின் ஒருமைப்பாட்டைப் பாதுகாப்பதற்காகவும், பங்கேற்பாளர்கள் அனைவரின் பாதுகாப்பிற்காகவும் அதன் நிர்வாகக் குழு இந்த முடிவை எடுத்ததாக ஐஓசி தெரிவித்துள்ளது.
ரஷ்ய ஒலிம்பிக் கமிட்டி இதற்கு கண்டனம் தெரிவித்துள்ளது. IOCயின் இந்த முடிவு ஐஓசியின் ஒழுங்குமுறை ஆவணங்கள் மற்றும் ஒலிம்பிக் சாசனம் ஆகிய இரண்டிற்கும் முரணானது' என்று கூறியது.
மேலும் படிக்க | தோனி, கோலியால் முடியாததை செய்து காட்டிய ரோஹித் சர்மா!
மேலும் படிக்க | நேட்டோவை நம்பி ஏமாந்த உக்ரைன்?
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
