தமிழ்நாடு குற்றச்செய்திகள்: காஞ்சிபுரத்தில் வீட்டிற்குள் அத்துமீறி நுழைந்து பொருட்களை உடைத்த வழக்கில் கைதான கஞ்சா போதை ஆசாமியால், பல மாதங்களுக்கு முன்பு கொல்லப்பட்டவர் குறித்த திடுக்கிடும் உண்மை வெளிவந்துள்ளது. அதிர்ச்சி அடைந்த போலீஸ்.
காஞ்சிபுரம் அடுத்த ஏகனாம்பேட்டையில் வீட்டிற்குள் அத்துமீறி நுழைந்து அங்கிருந்த பொருட்களை அடித்து உடைத்துள்ளார் கஞ்சா போதை ஆசாமி அஜித். இதனால் வீட்டில் இருந்தவர்கள் அளித்த புகாரில் அவரை சம்பவ இடத்தில் வைத்தே போலீஸ் கைது செய்துள்ளது. கைதான அவரிடம் போலீசார் சாதாரணமாக விசாரிக்க, அஜித் கூறிய வாக்குமூலம் அங்கிருந்தவர்களை அதிர வைத்துள்ளது. அவர் சில மாதங்களுக்கு முன்பு தனது நண்பர்கள் இளையராஜா மற்றும் தினேஷ் சேர்ந்து சீனிவாசன் என்பவரை கொன்று ஊத்துக்காடு ஏரியில் புதைத்ததாக அதிர்ச்சித் தகவலை கூறியுள்ளார்.
கஞ்சாவுக்கு அடிமை
காஞ்சிபுரம் மாவட்டம் வாலாஜாபாத் அடுத்த சீயமங்கலம் கிராமத்தை சேர்ந்த இளைஞர் தான் சீனிவாசன். இவர் கஞ்சாவுக்கு அடிமையாகி இருந்ததால், இவரது மனைவி குழந்தைகளுடன் சென்னையில் உள்ள அம்மா வீட்டுக்கு சென்றுவிட்டார். எப்போதாவது போனில் மட்டும் பேசி வந்துள்ளார். ஆனால் கடந்த சில மாதங்களாக இவரது போன் ஸ்விட்ச் ஆஃப் செய்யப்பட்டு இருந்துள்ளது. இதனால் சந்தேகம் அடைந்த அவரது மனைவி வாலாஜாபாத் காவல்நிலையத்தில் கடந்த ஏப்ரல் மாதம் புகார் அளித்துள்ளார்.
மேலும் படிக்க- காரை மறித்து வழிப்பறி; பரபரப்பு சிசிடிவி காட்சிகள்!
போதையில் கொலை சம்பவத்தை பற்றி உளறிய ஆசாமி
இந்த சூழலில் தான் அஜித், சீனிவாசன் என்பவரை தனது நண்பர்கள் கொலை செய்ததைப் பற்றி கூறியுள்ளார். சீனிவாசன் தனது நண்பர்களான இளையராஜா மற்றும் தினேஷ் ஆகியோருடன் சேர்ந்து சிறு சிறு குற்றச்செயல்களில் ஈடுபட்டு வந்துள்ளார். இவர்கள் மூன்று பேர் மீது வாலாஜாபாத் காவல் நிலையத்தில் வழக்குகள் நிலுவையில் உள்ளது.
இந்நிலையில் நேற்று போலீசில் சிக்கிய அஜித் சீனிவாசனை கொலை செய்தது பற்றி பேசியதும், யார் அந்த சீனிவாசன் என போலீசார் ஆராந்துள்ளனர். அப்போது தான் அது சில மாதங்களுக்கு முன்பு காணாமல் போன சீனிவாசன் என்பது தெரியவந்துள்ளது.
மேலும் படிக்க- குடும்ப வன்முறையின் உச்சம்! குடும்பத்தினரே திருட்டு பட்டம் கட்டி கொலை செய்த கொடூரம்
எலுப்புகூடாக மீட்கப்பட்ட நபர்
இவர் அளித்த தகவலை தொடர்ந்து வாலாஜாபாத் காவல் துறையினர் வெண்குடி பகுதியை சேர்ந்த இளையராஜா என்பவரை பிடித்து கிடுக்குபிடி விசாரணை மேற்கொண்ட போது தன் நண்பர் தினேஷ் உடன் சேர்ந்து சீனிவாசனை கொன்ற விஷயத்தை அவர் ஒப்புக்கொண்டார். இதனை தொடர்ந்து காஞ்சிபுரம் உட்கோட்ட துணை காவல் கண்காணிப்பாளர் ஜூலியர் சீசர் தலைமையில் வாலாஜாபாத் காவல்துறையினர் மற்றும் தனிப்படையினர் ஊத்துக்காடு ஏரியில் சீனிவாசனை எலுப்புகூடாக கண்டறிந்தனர். அதோடு தினேஷையும் கைது செய்துள்ளனர். மேலும் எலும்புக்கூடு கண்டறியப்பட்ட இடத்தில் எலும்பியல் நிபுணர்கள் வரவழைக்கப்பட்டு ஆய்வு நடைபெற்றது.
போதை மிகக்கொடியது
போதையில் நண்பர்கள் செய்த கொலை குறித்து அஜித் உளறியதால், தற்போது இந்த கொலை சம்பவம் வெளிச்சத்துக்கு வந்துள்ளது. போதை மிகக்கொடியது என்பதற்கு உதாரணமாக இந்த சம்பவம் அமைந்துள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
