சர்வதேச புற்றுநோய் கட்டுப்பாட்டு ஒன்றியம் ஒவ்வொரு ஆண்டும் ஒரு கருப்பொருளை தீர்மானிக்கிறது. 2025ம் ஆண்டின் கருப்பொருள் "United Unique", அதாவது, நமது தனித்துவத்தின் மூலம் நாம் பரஸ்பரம் ஒணைந்திருக்கிறோம் என்பதாகும். புற்றுநோய் வருவதற்கு பல காரணங்கள் உள்ளன. இது குறித்து பல்வேறு வகையான ஆராய்ச்சிகள் நடந்து வருகிறது. இந்நிலையில், நமது மோசமான உணவு பழக்கமும் ஒழுங்கற்ற வாழ்க்கை முறையும் இதற்கு ஒரு முக்கிய காரணம் என மருத்துவர்கள் எச்சரிக்கின்றனர்.
புற்றுநோய்க்கான முக்கிய காரணங்கள்
டெல்லி சிகே பிர்லா மருத்துவமனை (ஆர்), ஜிஐ ஆன்காலஜி, ஆன்காலஜி சர்வீசஸ் இயக்குநர் டாக்டர் நீரஜ் கோயல், தரவுகளை முன்வைத்து, வாழ்க்கைமுறை மற்றும் உணவு முறை தான் புற்றுநோய்க்கு முக்கிய காரணம் என்றும், அதில் ஏற்படுத்தும் ஆரோக்கியமான மாற்றங்களால் புற்றுநோயைத் தடுக்கலாம் என்று கூறுகிறார். மோசமான வாழ்க்கை முறையால் புற்றுநோயால் பாதிக்கப்படுவது 50 சதவீத கேஸ்களில் காணப்படுகிறது. இது தவிர, புற்றுநோயால் ஏற்படும் இறப்புகளில் 18 சதவீதம் உடல் உழைப்பு இல்லாத காரணத்தால் ஏற்படுகிறது. அதே சமயம், புற்று நோயால் இறப்பவர்களில் 20 சதவீத இறப்புகள் தவறான உணவுப்பழக்கத்தால் ஏற்படுகின்றன. எனவே புற்றுநோயிலிருந்து உங்களைப் பாதுகாத்துக் கொள்ள விரும்பினால் அல்லது அதன் அபாயத்தைக் குறைக்க விரும்பினால், வாழ்க்கைமுறையில் கவனம் செலுத்த வேண்டியது அவசியம்.
உலக அளவில் இறப்புக்கு இரண்டாவது காரணம் புற்றுநோய்
உலகளவில் இறப்புக்கு இரண்டாவது முக்கிய காரணம் புற்றுநோய். WHO வெளியிட்டுள்ள தரவுகளில், 2018ம் ஆண்டில் 9.6 மில்லியன் (90 லட்சம்) இறப்புகளுக்கு அல்லது 6 இல் 1 இறப்புகளுக்கு புற்று நோய் காரணம். மேலும், இன்றையை வாழ்க்கை முறையினால் புற்றுநோய் பாதிப்புகள் 77 சதவீதம் அதிகரிக்க வாய்ப்புள்ளது எனவும் கூறப்படுகிறது.
புற்று நோய் வராமல் தடுக்க செய்ய வேண்டியவை
நுரையீரல், புரோஸ்டேட், பெருங்குடல், வயிறு மற்றும் கல்லீரல் புற்றுநோய் ஆகியவை ஆண்களுக்கு மிகவும் பொதுவான வகை புற்றுநோயாகும், அதே நேரத்தில் மார்பகம், பெருங்குடல், நுரையீரல், கர்ப்பப்பை வாய் மற்றும் தைராய்டு புற்றுநோய்கள் பெண்களுக்கு மிகவும் பொதுவானவை. பெண்களிடையே, மார்பக புற்றுநோய்கள் தொடர்ந்து அதிகரித்து வருகின்றன. ஆரோக்கியமான உணவு பழக்கம் வழக்கமான உடற்பயிற்சி, மது அருந்துதல் மற்றும் புகைப் பழக்கத்தை கைவிடுதல் ஆகியவற்றின் மூலம் புற்று நோய் வராமல் தடுக்கலாம் என்று டாக்டர் கோயல் கூறுகிறார்.
(பொறுப்பு துறப்பு: இவை அனைத்தும் பொதுவான தகவல்களை அடிப்படையாக கொண்டது. இதனை பின்பற்றும் முன் ஊட்டச்சத்து நிபுணர்கள், மருத்துவர்களை சந்தித்து ஆலோசனை செய்ய வேண்டும். இதனை ஜீ நியூஸ் (Zee Tamil News) உறுதிப்படுத்தவில்லை)
மேலும் படிக்க | எலும்புகளை சீர்குலைக்கும் வைட்டமின் டி குறைபாடு... ஆரம்ப அறிகுறிகள் இவை தான்
மேலும் படிக்க | உச்சி முதல் பாதம் வரை... பச்சை பப்பாளி ஜூஸ் கொடுக்கும் அற்புத நன்மைகள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
