தமிழக சட்ட பேரவை கூட்டதொடர் வரும் ஜுன் 14-ம் தேதி முதல் ஜூலை 19-ம் தேதி வரை நடைபெறும் என்று சபாநாயகர் தனபால் இன்று அறிவித்துள்ளார்.
தலைமைச் செயலகத்தில் அலுவல் ஆய்வு குழு கூட்டம் சபாநாயகர் தலைமையில் இன்று காலை நடைப்பெற்றது. இந்த கூட்டத்தில் தமிழக முதல் அமைச்சர் எடப்பாடி பழனிசாமி, ஏதிர்கட்சி தலைவர் முகஸ்டாலின், அமைச்சர்கள் ஜெயக்குமார், செல்லூர் ராஜு, திமுக எம்.எல்.ஏ துரைமுருகன், காங்கிரஸ் எம்.எல்.ஏ ராமசாமி ஆகியோர் பங்கேற்றனர்.
இந்த கூட்டத்தில் சட்டபேரவை கூட்டத் தொடர் எத்தனை நாட்கள் நடத்துவது என்பது குறித்து விவாதிக்கப்பட்டது. இந்நிலையில் தமிழக சட்ட பேரவை கூட்டதொடர் வரும் ஜுன் 14-ம் தேதி முதல் ஜூலை 19-ம் தேதி வரை நடைபெறும் என்று சபாநாயகர் தனபால் அறிவித்துள்ளார்.
இந்த சட்டபேரவைக் கூட்டதொடர் 24 நாட்கள் நடைபெற உள்ளது. இந்த சட்டபேரவைக் கூட்டதொடர் ஜி.எஸ்.டி மசோதா தாக்கலாக வாய்ப்புள்ளதாக தகவல்கள் வெளியாகியுள்ளது. மேலும் இந்த கூட்டத் தொடரின் போது துறை ரீதியான மானிய கோரிக்கைகள் நடைபெறுகிறது.
மாடுகளை இறைச்சிக்காக விற்க தடை, ஹைட்ரோ கார்பன் திட்டம், தனியார் பாலில் கலப்படம் உள்ளிட்ட பிரச்சனைகளை இந்த கூட்ட தொடரின் போது ஏதிர்கட்சிகள் எழுப்ப திட்டமிட்டுள்ளதாக கூறப்படுகிறது.
