மழைக்காலங்களில் எலெக்ட்ரிக் கார் பராமரிப்பு டிப்ஸ்: பருவமழை வந்தாலே வாகன ஓட்டிகளின் பதற்றமும் அதிகரிக்கிறது. சாலைகளில் பள்ளங்கள் மட்டுமின்றி, தண்ணீர் தேங்கி நிற்கும் சாலைகள், பேஸ்மென்ட் பார்க்கிங் மற்றும் சில இடங்களில் வெள்ளம் என பல வகையான பிரச்சனைகள் இந்த காலத்தில் ஏற்படுகின்றன. இதனால் வாகனங்கள் பலத்த சேதம் அடையும் அபாயம் உள்ளது. இதன் காரணமாக மின்சார வாகன உரிமையாளர்கள் எப்போதும் இந்த காலத்தில் அதிக கவலை கொள்கின்றனர்.
ஆனால், மழைக்காலத்தில் மின்சார வாகனங்களை பராமரிப்பது அவ்வளவு கடினமான பணி அல்ல. ஆனால் அதற்கு நீங்கள் இந்த உதவிக்குறிப்புகளைப் பின்பற்ற வேண்டும். இவற்றை பின்பற்றினால் உங்கள் மின்சார கார் பாதுகாப்பாக இருக்கும்.
சார்ஜரை சரியாக கையாளவும்
மழைக்காலத்தில் மின்சார வாகனங்களின் பராமரிப்பில் முதலில் கவனிக்க வேண்டிய விஷயம் அதன் சார்ஜிங் கருவிகளின் பாதுகாப்பு. சார்ஜிங் ஸ்டேஷன் திறந்த நிலையில் நிறுவப்பட்டிருக்கும் போது அல்லது நீங்கள் போர்ட்டபிள் சார்ஜரைப் பயன்படுத்தும் போது இது மிகவும் முக்கியமானது. ஏனெனில் அதில் தண்ணீர் புகுந்தால் ஷார்ட் சர்க்யூட் ஏற்படும்.
பேட்டரியை சரிபார்க்கவும்
எலக்ட்ரிக் காரின் மிக முக்கியமான பகுதி பேட்டரி. அதனால்தான் அவ்வப்போது அதைச் சரிபார்ப்பது மிக முக்கியமானது. அதன் இணைப்பான் சேதமடைந்துள்ளதா என்பதைப் பார்க்கவும். இந்த பருவத்தில் எலிகள் கூட கம்பியைக் கடிக்கக்கூடும். இந்த விஷயங்களில் ஏதேனும் ஒன்றை நீங்கள் கவனித்தால், காரைப் பயன்படுத்த வேண்டாம் மற்றும் சேவை மையத்தை அழைக்கவும்.
கேபினை சுத்தமாக வைத்திருங்கள்
எலெக்ட்ரிக் காரின் கேபினை கவனிப்பது மற்ற விஷயங்களைப் போலவே முக்கியமானது. ஏனென்றால் இதில் நீங்கள் பொருட்களை வெளியில் இருந்து கொண்டு வந்து சேகரித்துக்கொண்டே இருப்பீர்கள். இதில் பெரும்பாலான தண்ணீர் பாட்டில்கள் போன்றவை இருக்கும். அதனால்தான் அந்த இடத்தை சுத்தமாக வைத்திருப்பது அவசியம். அங்கு எந்த விதமான ஈரப்பதமும் இருக்கக்கூடாது. காரின் கேபினில் இருக்கும் ஈரப்பதம் ஒருவித மின் சிக்கலை ஏற்படுத்தும் என்பதை நினைவில் கொள்ளுங்கள். கதவுகள் மற்றும் ஜன்னல்கள் சரியாக மூடப்பட்டிருப்பதையும், அதன் பீடிங்கில் கசிவு இல்லை என்பதையும் எப்போதும் உறுதி செய்து கொள்ளவும்.
மேலும் படிக்க | கார் வாங்கணுமா? ஜூலையில் மாருதி கார்களில் எக்கச்சக்க சலுகைகள்
தண்ணீர் தேங்கியுள்ள சாலைகளைக் கடப்பதைத் தவிர்க்கவும்
இது ICE இயந்திரங்களைக் கொண்ட வாகனங்களுக்கும் பொருந்தும். ஆனால் மின்சார வாகனங்களுக்கு இரட்டிப்பு கவனம் தேவை. ஏனெனில் அதில் உள்ள தண்ணீரால் ஏற்படும் பாதிப்பு நீங்கள் நினைப்பதை விட பெரியதாக இருக்கும். மின்சார வாகனங்களில் பல உணர்திறன் பாகங்கள் மற்றும் சென்சார்கள் உள்ளன. அவை எளிதில் சேதமடையலாம். மேலும், எலக்ட்ரிக் காரை வாங்கும்போது, அதன் ஐபி ரேட்டிங்கைப் பற்றி தெரிந்து கொள்ள வேண்டும். அடிக்கடி தண்ணீர் தேங்கி நிற்கும் சாலைகளை கடக்க வேண்டிய நிலையில் இருப்பவர்கள் மின்சார வாகனங்களைத் தவிர வேறு சில விருப்பங்களை பரிசீலிக்கலாம்.
இருப்பினும், இப்போது வரும் நல்ல மின்சார வாகனங்கள் சிறந்த ஐபி மதிப்பீடுகளுடன் கிடைக்கின்றன. மேலும் இவற்றில் முக்கியமான பாகங்கள் நன்கு சீல் செய்யப்பட்டுள்ளன. இருந்த போதிலும், கனெக்டர் சேதமடைவதற்கான வாய்ப்புகள் அதிகம் உள்ளதாக மின்சார வாகனங்களை தயாரிக்கும் நிறுவனங்கள் கூறுகின்றன. அதிகப்படியான தண்ணீருடன் தொடர்பு கொள்வதும் சேதத்தை ஏற்படுத்தும்.
கூடுதல் தகவல்
உங்களிடம் கார் அல்லது பைக் இருந்தால், நீங்கள் அடிக்கடி எதிர்கொள்ளும் பிரச்சனை ஒன்று உள்ளது. இது அடிக்கடி வாகன ஓட்டிகளை தொந்தரவு செய்வதுண்டு. வாகனங்களின் டயர்கள் விரைவாக தேய்ந்து போவதாக மக்கள் பலமுறை புகார் தெரிவித்து வருகின்றனர். ஆனால், வாகனத்தின் டயர்கள் தேய்ந்து கிடப்பதற்குப் பின்னால், அந்த நிறுவனத்தை விட வாகன உரிமையாளரின் அலட்சியமே பெரிய காரணமாக உள்ளது. இதுமட்டுமின்றி, வாகனத்தின் டயர்கள் தேய்மானம் அடைந்தால், சாலை விபத்து ஏற்படும் அபாயம் உள்ளது. டயர் தேய்மானத்தைத் தவிர்ப்பதற்கான உதவிக்குறிப்புகளை இங்கே காணலாம்.
- டயர் அழுத்தத்தில் சிறப்பு கவனம் செலுத்துங்கள்
- அவ்வப்போது டயர்களை மாற்றவும்
- டயர் சீலண்டை பயன்படுத்துங்கள்
- சரியான நேரத்தில் கார் டயர்களை மாற்றவும்.
மேலும் படிக்க | கார்களின் விலைகளை உயர்த்தியது டோயோடா நிறுவனம்: விவரம் இதோ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
