மேட்டூர் அணை News

தொடர்ந்து பெய்து வரும் மழை காரணமாக மேட்டூர் அணையின் நீர்மட்டம் உயர்ந்து வருகிறது. ஒரே நாளில் நேற்று 3.6 அடி உயர்ந்துள்ளது. அணைக்கு வரும் நீரின் அளவு 10,535 கன அடியிலிருந்து 21,947 கன அடியாக அதிகரித்துள்ளது. இதனால் அணையின் நீர்மட்டம் 48.77 அடியாக அதிகரித்துள்ளது.  இந்நிலையில், குடிநீர் தேவைக்காக மேட்டூர் அணை இன்று திறக்கப்பட உள்ளது. இன்று முதல் தொடர்ந்து 12 நாட்களுக்கு அணையில் இருந்து குடிநீருக்காக தண்ணீர் திறக்கப்பட உள்ளது. 

டெல்டா விவசாயிகளுக்கு 56.92 கோடி ரூபாய் ஒதுக்கீடு செய்து முதல்வர் எடப்பாடி பழனிசாமி உத்தரவிட்டுள்ளார்.  இது தொடர்பாக அவர் இன்று வெளியிட்டுள்ள அறிக்கை:- குறுவை சாகுபடிக்காக இந்த ஆண்டும் மேட்டூர் அணையிலிருந்து நீர் திறக்கப்படவில்லை. கடும் வறட்சி மற்றும் தர வேண்டிய உரிய நீரை கர்நாடகம் தராதது உள்ளிட்ட காரணங்களால் மேட்டூர் அணையில் தண்ணீர் இருப்பு குறைவாகவே உள்ளது. விகிதாச்சார முறைப்படி பாசனத்திற்கு போதுமான தண்ணீரை கர்நாடகம் திறக்கவில்லை. 

மேட்டூர் அணையில் இருந்து இன்று காலை 8 மணிக்கு டெல்டா பாசனத்துக்கு நீர் திறக்கப்பட்டது. மேட்டூர் அணையில் இருந்து டெல்டா மாவட்ட சம்பா சாகுபடிக்கு செப்டம்பர் 20-ம் தேதி தண்ணீர் திறக்க தமிழக முதல்வர் ஜெயலலிதா உத்தரவிட்டார். அதன்படி இன்று காலை 8 மணிக்கு மேட்டூர் அணையில் இருந்து சம்பா சாகுபடிக்கு நீர்திறக்கப்பட்டது. வினாடிக்கு 2 ஆயிரம் கனஅடி தண்ணீர் திறக்கப்பட்டது. தண்ணீரை திறந்து வைக்கும் நிகழ்ச்சியில் எடப்பாடி பழனிசாமி, தங்கமணி, விஜயபாஸ்கர், சரோஜா, கருப்பண்ணன், முருகேசன் ஆகியோர் பங்கேற்றனர்.

சம்பா சாகுபடிக்கு மேட்டூர் அணையிலிருந்து 20-ம் தேதி முதல் தண்ணீர் திறந்துவிடப்படும் என்று முதல்-அமைச்சர் ஜெயலலிதா உத்தரவிட்டுள்ளார். தமிழகத்திற்கு உரிய நீரை வழங்கிட வேண்டும் என தமிழக அரசால் தாக்கல் செய்யப்பட்ட மனுவை விசாரித்த சுப்ரீம் கோர்ட்டு நாளொன்றுக்கு 15 ஆயிரம் கனஅடி வீதம் கிடைக்கும் வகையில் 5.9.16 முதல் 10 நாட்களுக்கு அதன் அணைகளிலிருந்து நீரை விடுவிக்கவேண்டும் என்று கர்நாடக அரசுக்கு ஆணை வழங்கியது.

மேட்டூர் அணையில் இருந்து சம்பா சாகுபடிக்காக ஆண்டுதோறும் ஜூன் 12-ம் தேதி தண்ணீர் திறந்துவிடப்படும். ஆனால் அணையில் நீர்மட்டம் மிகவும் குறைவாக இருந்ததால் தமிழக அரசு சம்பா சாகுபடிக்காக காவிரியில் 50 டி.எம்.சி. கர்நாடகம் தண்ணீர் திறந்து விடுமாறு சுப்ரீம் கோர்ட்டில் இடைக்கால மனு ஒன்றை தாக்கல் செய்தது. இந்த மனுவை விசாரித்த சுப்ரீம் கோர்ட்டு, தமிழகத்துக்கு 10 நாட்களுக்கு 15 ஆயிரம் கன அடிவீதம் தண்ணீர் திறந்து விட கர்நாடக அரசுக்கு சுப்ரீம் கோர்ட்டு உத்தரவிட்டது.