Allu Arjun : సుకుమార్ దర్శకత్వంలో స్టైలిష్ స్టార్ అల్లు అర్జున్ హీరోగా నటించిన పుష్ప సినిమా ఎంత పెద్ద బ్లాక్ బస్టర్ అయిందో ప్రత్యేకంగా చెప్పాల్సిన అవసరం లేదు. ఎర్రచందనం స్మగ్లింగ్ బ్యాక్ డ్రాప్ తో సాగే ఈ సినిమాలో అల్లు అర్జున్ పుష్ప రాజ్ పాత్రలో నటించారు. నిజానికి ఆ పాత్రలో జీవించిన అల్లు అర్జున్ తన అద్భుతమైన నటన తో జాతీయ అవార్డు కూడా అందుకున్నారు.
తెలుగులో మాత్రమే కాక మిగతా భాషల్లో కూడా మంచి హిట్ అయిన ఈ సినిమా తో అల్లు అర్జున్ ప్యాన్ ఇండియా స్టార్ గా మారిపోయారు. ఇక గతేడాది సెలబ్రిటీల మైనపు విగ్రహాలు తయారు చేసే మేడమ్ టుసాడ్స్ వారు తమ దుబాయ్ బ్రాంచ్ లో అల్లు అర్జున్ విగ్రహాన్ని తయారు చేశారు.
దుబాయ్ లోని మేడం టుసాడ్స్ లో ఏర్పాటైన మొట్టమొదటి తెలుగు సినీ నటుడి విగ్రహం అల్లు అర్జున్ ది కావడం విశేషం. లండన్ మేడం టుసాడ్స్ లో శ్రీదేవి, ప్రభాస్, మహేష్ బాబుల మైనపు విగ్రహాలు ఉన్నాయి. కానీ దుబాయ్ లో విగ్రహాన్ని అందుకున్న మొట్టమొదటి తెలుగు హీరో అల్లుఅర్జునే.
అక్టోబర్ లో తన విగ్రహాన్ని చూసిన అల్లు అర్జున్ తనని తానే నమ్మలేకపోతున్నట్లు చెప్పారు. తాజాగా మేడం టుసాడ్స్ వారు త్వరలోనే ఒక పెద్ద రివీల్ చేయబోతున్నారట. ఈ నేపథ్యంలోనే స్టైలిష్ స్టార్ అల్లు అర్జున్ ని కూడా పిలిచి ఒక కాంటెస్ట్ నిర్వహించబోతున్నారు.
"అల్లు అర్జున్ గారు దుబాయ్ కి వస్తున్నారు.. ఈనెల 28వ తేదీ గురువారం సాయంత్రం 8 గంటలకు అందరూ దుబాయ్ మేడం టుసాడ్స్ కి రండి. మా బిగ్ రివిల్ లో పాలు పంచుకోండి. మీతో పాటు ఈవెంట్ కి ఎవరు రాబోతున్నారు అని మాకు కామెంట్స్ లో తెలియజేయండి" అంటూ మేడం టుసాడ్స్ వారు అధికారికంగా ట్విట్ చేస్తూ ఒక వీడియోని కూడా పోస్ట్ చేశారు.
Allu Arjun is Coming , Madame Tussauds - @alluarjun ❤️ pic.twitter.com/x0za3q3IlI
— Musugu Dhonga (@Musugu_Dhonga) March 18, 2024
ఆ వీడియోలో అల్లు అర్జున్ తను కూడా ఆ రోజు కోసం ఆసక్తిగా ఎదురు చూస్తున్నట్లు తెలియజేశారు. ఇక సినిమాల పరంగా చూస్తే అల్లు అర్జున్ పుష్ప 2 షూటింగ్ తో బిజీగా ఉన్నారు. సుకుమార్ దర్శకత్వం వహిస్తున్న ఈ సినిమాలో రష్మిక మందన్న హీరోయిన్ గా నటిస్తున్నారు. భారీ అంచనాల మధ్య ఈ సినిమా ఈ ఏడాది ఆగస్టులో విడుదల కి సిద్ధం అవుతుంది.
Also Read: TamiliSai: "బాధగా ఉంది.. కానీ తప్పడం లేదు": రాజ్‌భవన్‌ ఖాళీ చేసిన తమిళిసై
Also Read: Kavitha: కవిత అరెస్ట్‌పై ప్రధాని మోదీ సంచలన వ్యాఖ్యలు.. ఘాటెక్కిన రాజకీయం
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
