Kalyanram's devil Movie Teaser: 'బింబిసార'తో సాలిడ్ హిట్ కొట్టి సక్సెస్ ట్రాక్ ఎక్కిన నందమూరి కళ్యాణ్ రామ్ జోరు పెంచారు. వరుసగా సినిమాలను పట్టాలెక్కిస్తున్నారు. ఇందులో భాగంగానే ఈ మధ్య అమిగోస్ చిత్రంతో ప్రేక్షకుల ముందుకు వచ్చారు. అది కాస్తా బాక్సాఫీస్ వద్ద బోల్తా కొట్టింది. ప్రస్తుతం కళ్యాణ్ రామ్ నటిస్తున్న చిత్రం 'డెవిల్'. 'ది బ్రిటిష్ సీక్రెట్ ఏజెంట్' అనేది క్యాప్షన్. నవీన్ మేడారం దర్శకత్వం వహిస్తున్న ఈ సినిమాలో సంయుక్త మీనన్ హీరోయిన్ గా నటిస్తోంది. బింబిసార తర్వాత కళ్యాణ్ రామ్ తో ఆమెకి రెండో సినిమా.
నేడు కళ్యాణ్ రామ్ బర్త్ డే. ఈ సందర్భంగా డెవిల్ చిత్రయూనిట్ టీజర్ ను రిలీజ్ చేసింది. ఈ ప్రచార చిత్రం ఆద్యంతం డైలాగ్స్, యాక్షన్ తో నిండిపోయింది. 'మనసులో ఉన్న భావన ముఖంలో తెలియకూడదు. మెదడులో ఉన్న ఆలోచన మాటల్లో బయటపడకూడదు. గూఢచారికి ఉండవలసిన ముఖ్యమైన లక్షణం అదే' అంటూ కళ్యాణ్ రామ్ చెబుతున్న డైలాగ్స్ గూస్ బంప్స్ తెప్పిస్తాయి. హీరోయిన్ సంయుక్త ఒక్క షాట్ లో మాత్రమే కనిపించింది. బ్యాక్ గ్రౌండ్ స్కోర్ ఆకట్టుకుంటుంది. ఇందులో బ్రిటిష్ వారికోసం పనిచేసే సీక్రెట్ ఏజెంట్ గా కళ్యాణ్ రామ్ విశ్వరూపం ప్రదర్శించాడని అనిపిస్తోంది.
Also read: Samantha: కొత్త ప్రాజెక్టులకు సైన్ చేయని సమంత.. కారణం ఇదేనా?
ఈ సినిమాకు శ్రీకాంత్ విస్సా కథను అందించారు. ఈ సినిమా బ్రిటీష్ కాలం నాటి కథగా తెరకెక్కిస్తున్నారు. ఈ సినిమాను ప్రముఖ నిర్మాణ సంస్థ అభిషేక్ ఫిక్చర్స్ నిర్మిస్తోంది. ఈ మూవీకి హర్షవర్థన్ రామేశ్వర్ సంగీతం అందించారు. ఈ మూవీలో మరో హీరోయిన్ గా మాళవిక నాయర్ నటిస్తున్నారు. రీసెంట్ గానే 500 మంది ఫైటర్స్ తో ఓ భారీ యాక్షన్ సీన్ చిత్రీకరించారని.. అది ఈ సినిమాకే హైలైట్ గా నిలుస్తోందని సిని వర్గాల్లో టాక్ నడుస్తోంది.
Also Read: Nikhil Siddhartha: స్పై రిజ‌ల్ట్‌ ఎఫెక్ట్.. ఫ్యాన్స్ కు క్ష‌మాప‌ణ‌లు చెప్పిన హీరో నిఖిల్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
