Varun Tej Operation Valentine:
మెగా ప్రిన్స్ వరుణ్ తేజ్ హీరోగా నటించిన రీసెంట్ చిత్రం ఆపరేషన్ వాలెంటైన్. భారీ అంచనాల మధ్య వచ్చి బాక్సాఫీస్ డిజాస్టర్ గా మిగిలిన ఈ చిత్రం ప్రస్తుతం చప్పుడు చేయకుండా ఓటీటీ లోకి వచ్చేసింది.
వైవిధ్యమైన నటనతో మంచి సక్సెస్ అందుకుంటూ దూసుకుపోతున్న ఈ మెగా హీరో గత కొద్దికాలంగా సరియైన హిట్ లేక ఇబ్బంది పడుతున్నాడు. డిఫరెంట్ కంటెంట్ ఉండే సినిమాలు చేయడానికి ఎప్పుడు ముందు ఉండే వరుణ్ తేజ్ చేస్తున్న ప్రయోగాలన్నీ వికటిస్తున్నట్లు కనిపిస్తోంది. రీసెంట్ గా అతను నటించిన మూడు చిత్రాలు ఒకదానితో ఒకటి పోటీపడి డిజాస్టర్స్ గా మిగిలాయి. ఈ నేపథ్యంలో మార్చి 1న భారీ అంచనాల మధ్య థియేటర్లలో విడుదలైన ఏరియల్ యాక్షన్ డ్రామా ఆపరేషన్ వాలెంటైన్ గాలి తీసిన బెలూన్ లా డీలా పడిపోయింది.
రిలీజ్ అయ్యి 20 రోజులు కూడా గడవకముందే ఈ చిత్రం ఓటీటీ ప్లాట్ఫారంలో విడుదల అయిపోయింది. అసలు అనౌన్స్మెంట్ కూడా లేకుండా ఈ చిత్రం డిజిటల్ స్ట్రీమింగ్ మొదలుపెట్టడం అందరిని ఆశ్చర్యపరుస్తుంది. ఓటీటీ దిగ్గజ సంస్థ అమెజాన్ ప్రైమ్ ప్లాట్ ఫామ్ లో ఈ చిత్రం స్ట్రీమింగ్ అవుతోంది. అయితే ప్రస్తుతానికి తెలుగు, తమిళ్ వర్షన్ లో మాత్రమే ఈ చిత్రం అందుబాటులో ఉంది. ఈ మూవీ థియేటర్ లో విడుదలైన 8 వారాల తరువాతే హిందీ వర్షన్ ఓటీటీ లోకి వస్తుందట.
కాగా ఎయిర్ ఫోర్స్ నేపథ్యంలో సాగే ఈ యాక్షన్ డ్రామా చిత్రం కోసం వరుణ్ ఎంతో కష్టపడ్డాడు.
ఈ మూవీ తో వరుణ్ తేజ్ బాలీవుడ్ లో ఎంట్రీ ఇస్తుండడంతో..అక్కడ కూడా ప్రచారాలు జోరుగా చేయించారు. హృతిక్ రోషన్ నటిస్తున్న ఫైటర్ మూవీ కూడా అదే టైం కి రిలీజ్ అయింది. అయితే ఈ రెండు చిత్రాల కాన్సెప్ట్ ఇంచుమించు ఒకటే కావడం... రెండు చిత్రాలు బాలాకోట్ వైమానిక దాడుల బ్యాక్ డ్రాప్ తో తెరకెక్కడం తో.. ఆపరేషన్ వాలెంటైన్ పై ఫైటర్ సినిమా భారీ ప్రభావాన్ని చూపించింది. దీంతో బాలీవుడ్ లో ఆపరేషన్ వాలెంటైన్ కలెక్షన్స్ బాగా పడిపోయాయి.
ఫిదా, తొలిప్రేమ, ఎఫ్ 2 ఇలాంటి బ్లాక్ బస్టర్ హిట్స్ అందుకున్న వరుణ్ తేజ్.. తన స్టైల్ ఆఫ్ యాక్టింగ్ కి కాస్త భిన్నంగా ప్రయత్నించిన ప్రతిసారి ఎదురు దెబ్బ తింటున్నాడు. ఘని, గాండీవ దారి అర్జున్, ఆపరేషన్ వాలెంటైన్ చిత్రాలు ఇందుకు నిదర్శనం. ఇక నెక్స్ట్ అతను చేస్తున్న మట్కా మూవీ తో ఎలా అయినా సక్సెస్ సాధించాలి అని వరుణ్ ట్రై చేస్తున్నాడు.ఆపరేషన్ వాలెంటైన్ మూవీ కంటెంట్ బాగున్నప్పటికీ.. థియేటర్లో ప్రేక్షకులను ఆకర్షించలేకపోయింది. ఇక ఓటీటీ లో ఈ మూవీ ఎటువంటి రెస్పాన్స్ అందుకుంటుందో చూడాలి. మరి ఇంకెందుకు ఆలస్యం..లేట్ చేయకుండా ఈ వీక్ మీరు కూడా ఆపరేషన్ వాలెంటైన్ మూవీని ఓటీటీ లో ఎంజాయ్ చేయండి.
Also Read: Arvind Kejriwal: మద్యం కుంభకోణంలో అనూహ్య మలుపు.. ఢిల్లీ సీఎం అరవింద్‌ కేజ్రీవాల్‌ అరెస్ట్‌
Also Read: Kavitha Arrest: కవిత అరెస్ట్‌ వెనకాల ఉన్న కథ ఇదే.. ఢిల్లీ కుంభకోణం అంటే ఏమిటి?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
