Bichagadu 2 Sneakpeak Trailer: బిచ్చగాడు సినిమాతో తెలుగులో కూడా విపరీతమైన పాపులారిటీ దక్కించుకున్న విజయ్ ఆంటోని చేస్తున్న ప్రతి తమిళ సినిమాని ఇప్పుడు తెలుగులో కూడా రిలీజ్ చేస్తున్నారు. అయితే బిచ్చగాడు సినిమా సూపర్ హిట్ కావడంతో ఆ సినిమాకు ఒక సీక్వెల్ తెరకెక్కిస్తామని ప్రకటించి ఆ మేరకు రంగంలోకి దిగారు విజయ్ ఆంటోనీ. ఆయనే స్వయంగా దర్శకత్వం వహిస్తూ నిర్మిస్తున్న ఈ సినిమాకి స్వరాలు కూడా ఆయనే సమకూరుస్తూ ఉండడం గమనార్హం.
ఇక విజయ్ భార్య ఫాతిమా అంటోనీ సమర్పణలో తెరకెక్కుతున్న ఈ సినిమా దాదాపుగా షూటింగ్ పూర్తి కావచ్చింది. ఇక ఒక పక్క సినిమా పోస్ట్ ప్రొడక్షన్ కూడా శరవేగంగా జరుగుతోంది. అయితే విజయ్ ఆంటోని తాజాగా యాక్సిడెంట్ బారిన పడటంతో ప్రస్తుతానికి ఈ సినిమా షూటింగ్ పక్కన పెట్టారు. ఇక సూపర్ హిట్ బిచ్చగాడు సినిమాకు సీక్వెల్గా 'బిచ్చగాడు 2' తెరకెక్కిస్తున్నారు. విజయ్ ఆంటోనీ స్వీయ దర్శకత్వంలో.. ఆయన హీరోగా నటిస్తున్న ఈ సినిమాలో కావ్య థాపర్ హీరోయిన్ గా నటిస్తోంది. ఇక ఈ సీక్వెల్ సినిమా వేసవిలో విడుదల కానుంది.
ఈ సందర్భంగా సినిమా టీమ్ ప్రమోషన్స్ సరికొత్తగా ప్రారంభించింది. టీజర్‌, ట్రైలర్‌లకు భిన్నంగా.. 'స్నీక్ పీక్ ట్రైలర్' అంటూ సినిమా ఓపెనింగ్‌ సీన్ సుమారు నాలుగు నిముషాల క్లిప్ విడుదల చేసింది. ఈ స్నీక్ పీక్ ట్రైలర్ ఆద్యంతం ఉత్కంఠగా సాగిందని చెప్పక తప్పదు. 'స్నీక్ పీక్ ట్రైలర్' చూస్తే ఎప్పుడూ ప్రయోగాలు చేయడంలో ముందు వరుసలో ఉండే విజయ్ ఆంటోనీ.
ఇప్పుడు మరో మెట్టు ఎక్కి ఈ సినిమాను మరో వినూత్న కాన్సెప్ట్తో తెరకెక్కించారని అర్ధమవుతోంది. స్నీక్పీక్ ట్రైలర్ ను బట్టి.. 'బ్రెయిన్ ట్రాన్స్ప్లాంట్' ఆధారంగా రూపొందుతున్నట్లు కనిపిస్తుంది. కిడ్నీ, గుండె లాంటి అవయవాలను ట్రాన్స్ప్లాంట్లు ఇప్పటికే జరుగుతున్నా బ్రెయిన్ ట్రాన్స్ప్లాంట్ అనేది ప్రస్తుతం ప్రయోగాల దశలోనే ఉండగా అదే సినిమా మెయిన్ పాయింట్. చూడాలి మరి సినిమా ఎలా ఉండనుంది అనేది.
Also Read: Vedha OTT release: నిన్న థియేటర్లో నేడు ఓటీటీలో 'వేద'.. ఎందులో స్ట్రీమ్ అవుతుందో తెలుసా?
Also Read: Amigos OTT : అమిగోస్ వచ్చేది ఆ ఓటీటీలోకే.. ఎప్పుడు రిలీజ్ అవుతుందంటే?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
