Uttar Pradesh accident: ఉత్తరప్రదేశ్‌లో ఘోర రోడ్డు ప్రమాదం జరిగింది. లఖింపూర్ ఖేరీ జిల్లాలో బుధవారం ఉదయం ఒక ప్రైవేట్ బస్సు మినీ ట్రక్కును ఢీకొనడంతో పది మంది మరణించగా.. 41 మంది గాయపడ్డారు. బస్సులోని ఆరుగురు ప్రయాణికులు అక్కడికక్కడే మరణించగా, ఇద్దరు ఆసుపత్రికి తరలిస్తుండగా మార్గమధ్యంలో మరణించారు మరియు మరో ఇద్దరు గాయపడి లక్నోలోని కింగ్ జార్జ్ మెడికల్ కాలేజీ (కెజిఎంయు) ఆసుపత్రిలో మరణించారు.
ఈ ప్రమాదం జిల్లా కేంద్రానికి 30 కిలోమీటర్ల దూరంలో ఉన్న జాతీయ రహదారి 730పై గల ఐరా వంతెనపై జరిగిందని డీఎస్పీ ప్రీతమ్ పాల్ సింగ్ తెలిపారు. గాయపడిన వారిలో 12 మంది పరిస్థితి విషమంగా ఉందని, వారిని లక్నోలోని ట్రామా సెంటర్‌కు తరలించామని, 29 మంది జిల్లా ఆసుపత్రిలో చికిత్స పొందుతున్నారని లఖింపూర్ ఖేరీ చీఫ్ మెడికల్ ఆఫీసర్ (CMO) తెలిపారు. బస్సు ధౌర్హరా నుంచి లక్నో వెళ్తుండగా ఎదురుగా వస్తున్న మినీ ట్రక్కును ఢీకొట్టింది.
మృతుల్లో ఎనిమిది మంది లక్నోకు చెందిన సరస్వతి ప్రసాద్ వర్మ (94), కౌశల్ కిషోర్ (58), అజీమున్ (55), సగీర్ (45), సురేంద్ర కుమార్ చౌరాసియా (35), జితేంద్ర (25), మున్ను మిశ్రా (16) మరియు ఆర్య నిగమ్ (8), అందరూ ధౌరహ్రా తహసీల్ నివాసితులు. మిగిలిన ఇద్దరి వివరాలు ఇంకా అధికారులు వెల్లడించలేదు. ఉదయం 7.30 గంటల ప్రాంతంలో ఈ ప్రమాదం జరిగినట్లు తెలుస్తోంది.
ఈ ఘటనపై రాష్ట్రపతి ద్రౌపది ముర్ము, ప్రధాని నరేంద్ర మోదీ, యూపీ ముఖ్యమంత్రి యోగి ఆదిత్యనాథ్ సంతాపం ప్రకటించారు. పిఎంఎన్‌ఆర్‌ఎఫ్ నుండి రూ. 2 లక్షలను మృతుల యెుక్క ప్రతి కుటుంబానికి, రూ.50,000 గాయపడిన వారికి అందజేయనున్నారు.
Also Read: Uttar Pradesh: అదుపుతప్పి చెరువులో ట్రాక్టర్ బోల్తా... 10 మంది మృతి, పలువురికి గాయాలు..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
