Bihu Dance: గిన్నీస్‌ రికార్డుల్లో 'బిహూ' నృత్యం.. ఒకేసారి 11,304 మంది డ్యాన్స్..

Assam: రెండు ప్రపంచ రికార్డులకు అస్సాం రాజధాని గౌహుతి వేదికైంది. ఒకేసారి 11,304 మంది డ్యాన్సర్లు బిహు నృత్యాన్ని ప్రదర్శించి చరిత్ర సృష్టించారు.

Bihu Dance Guinness record: అస్సాం రాజధాని గౌహతి ప్రపంచ రికార్డుకు వేదికైంది. ఆ రాష్ట్ర సంప్రదాయ నృత్యమైన బిహూ డ్యాన్స్‌ గిన్నిస్‌ బుక్‌ ఆఫ్‌ వరల్డ్‌ రికార్డ్స్‌లో చోటు దక్కించుకుంది. నగరంలోని సరుసాజాయ్ స్టేడియంలో ఒకేసారి 11,304 మంది నృత్యకారులు మరియు సంగీత కళాకారులు బిహూ నృత్యాన్ని ప్రదర్శించి చరిత్ర సృష్టించారు. ఈ కార్యక్రమానికి సీఎం హిమంత బిశ్వశర్మతోపాటు పలువురు నేతలు, అధికారులు, అహుతులు హాజరయ్యారు. ఈ వేడుకలో సంప్రాదాయ వాయిద్యాలైన ధోల్‌, తాల్‌, గోగోనా, టోకా, పెపా వంటి వాటిని వాయించే సంగీత కళాకారులు పాల్గొన్నారు. 

#WATCH | 11304 folk dancers presented Bihu Dance in the presence of Assam CM Himanta Biswa Sarma at Sarusajai Stadium in Guwahati in the State Govt's bid of setting a Guinness World Record for largest Bihu dance in a single venue.

2548 drummers also performed here with them. pic.twitter.com/n9EYimF6Bt

— ANI (@ANI) April 13, 2023

గత కొన్ని వారాలుగా శిక్షణ పొందిన 7,000 మందికి పైగా డ్యాన్సర్లు, 3,000 మందికి పైగా ‘ధోల్’ డ్రమ్మర్లు మరియు ఇతర సంగీత విద్వాంసులు సరుసజై స్టేడియంలో 15 నిమిషాల పాటు ఈ బిహూ నృత్యరూపకాన్ని ప్రదర్శన నిర్వహించారు. ఈ 'మెగా బిహు'లో పాల్గొనే 11,000 మందికి పైగా "మాస్టర్ ట్రైనర్స్" మరియు రిజర్వ్ డ్యాన్సర్‌లతో పాటు ఒక్కొక్కరికి రూ.25,000 ఇవ్వనుంది అస్సాం ప్రభుత్వం.  అస్సాం సాంస్కృతిక వారసత్వాన్ని  వరల్డ్ వైడ్ గా గుర్తింపు తీసుకురావాలనే లక్ష్యంతో ప్రభుత్వం ఈ కార్యక్రమాన్ని చేపట్టింది. ఇదే స్టేడియంలో 2, 548 మంది డ్రమ్మర్లు డప్పులు వాయించి గిన్నిస్ రికార్డులో చోటు దక్కించుకున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.