Kalavaram: అంతా కొత్తవాళ్లతో లవ్ స్టోరీ తో పాటు ఒక డిఫరెంట్ థ్రిల్లింగ్ ఎలిమెంట్స్ తో తెరకెక్కుతోన్న చిత్రం ‘కలవరం’. శశాంక్ కథని అందిస్తూన్న ఈ సినిమాకు సినిమాటోగ్రాఫర్ గా వెంకట్ పనిచేస్తున్నారు. ఈ సినిమాకు దేవిశ్రీ ప్రసాద్ దగ్గర బ్యాక్ గ్రౌండ్ స్కోర్ చేస్తూ ఉండే వికాస్ బాడిస సంగీతం అందిస్తున్నారు. తాజాగా ఈ సినిమాకి సంబంధించిన పూజా కార్యక్రమాలు ప్రముఖ నిర్మాతలైన చదలవాడ శ్రీనివాసరావు, సి కళ్యాణ్ చేతుల మీదుగా ప్రారంభమైంది.
ఈ సందర్భంగా చదలవాడ శ్రీనివాసరావు మాట్లాడుతూ : ఈ సినిమా స్టోరీ నాకు ముందుగానే తెలుసు. ఒక బాలచందర్, భాగ్య రాజా వంటి క్రియేటివ్ దర్శకుల తీసే మంచి కథ ఉన్న చిత్రం. ఇప్పటిదాకా చిన్న సినిమాలను పట్టించుకున్న ప్రభుత్వం లేదు. ఇప్పుడున్న ఈ రెండు తెలుగు రాష్ట్రాల ప్రభుత్వాలైన చిన్న సినిమాలకు తోడ్పాటు అందించాలన్నారు. చిన్న సినిమాలకి షోలు ఎక్కువ ఇవ్వడం అదేవిధంగా మినీ థియేటర్లు కట్టి సపోర్ట్ ఇవ్వాలన్నారు.. కలవరం చాలా మంచి టైటిల్. ఈ సినిమా మంచి సక్సెస్ అయ్యి హీరో హీరోయిన్ల కి మూవీ టీంకి మంచి పేరు తీసుకురావాలని మనస్పూర్తిగా కోరారు.
దర్శకుడు హనుమాన్ వాసంశెట్టి మాట్లాడుతూ : ఈ స్టోరీ చెప్పిన వెంటనే నచ్చి సపోర్ట్ చేసి మనం ఈ సినిమా చేస్తున్నాం అని నిర్మాత శోభ రాణి చెప్పడం ఆనందంగా ఉందన్నారు.. వెంటనే చెన్నై వెళ్లి హీరో కి కథ చెప్పాము. హీరో విజయ్ కనిష్క కి కూడా ఈ కథ చాలా నచ్చి ఈ సినిమా ఓకే చేయడం.. వెంటనే పట్టాలెక్కిందన్నారు. ఈ సందర్భంగా ఈ సినిమాను ఒప్పుకున్న హీరోకు, నిర్మాతకు ప్రత్యేక కృతజ్ఞతలు చెప్పారు.
హీరో విజయ్ కనిష్క మాట్లాడుతూ.. మా నాన్నగారు విక్రమం తమిళ్ లో ఎన్నో సినిమాలకు దర్శకత్వం వహించారు. తెలుగులో వసంతం, చెప్పవే చిరుగాలి వంటి సినిమాలను డైరెక్ట్ చేశారు. నా మొదటి సినిమా హిట్ లిస్ట్ చూసిన ప్రతి ఒక్కరూ తండ్రి పేరు నిలబెట్టవ్ అన్నారు. ఆ మాట నాకు చాలా ఆనందాన్ని ఇచ్చింది. ఈ సినిమా ప్రేక్షకులందరికీ కచ్చితంగా నచ్చుతుందనే ఆశాభావం వ్యక్తం చేశారు.
కథ రచయిత శశాంక్ పి మాట్లాడుతూ : కథ వినగానే ఈ సినిమా మనం చేస్తున్నామని అండగా నిలిచిన నిర్మాత శోభారాణి కి స్పెషల్ థాంక్స్ చెబుతున్నాను. నేను, డైరెక్టర్ హనుమాన్ కలిసే స్క్రిప్ట్ ని రెడీ చేశాము. అదే విధంగా స్టోరీ విన్న వెంటనే హీరో విజయ్ కనిష్క ఈ సినిమాను ఓకే చేయడం సంతోషంగా ఉందన్నారు.
నిర్మాత శోభారాణి మాట్లాడుతూ : ‘కలవరం’ అనే టైటిల్ ఈ సినిమాకి పర్ఫెక్ట్ గా సెట్ అవుతుంది. విజయ్ కనిష్క కథ వినిన వెంటనే సినిమాను మనం చేస్తున్నామన్నారు. శశాంక్ ఇచ్చిన కథ అలాగే డైరెక్టర్ హనుమాన్ ఈ సినిమా స్క్రిప్ట్ కోసం చాలా కష్టపడిన విషయాన్ని ప్రస్తావించారు. అదే కష్టంతో ఇష్టంతో ఈ సినిమాని పూర్తి చేస్తామన్నారు. అడగగానే మా ఈ సినిమా ఓపెనింగ్ కి వచ్చిన చదలవాడ శ్రీనివాసరావుకి, సి కళ్యాణ్ కి ప్రత్యేకంగా ధన్యవాదాలు తెలియజేసుకుంటున్నాను. ప్రేక్షకులు అందరూ మెచ్చే సినిమా అవుతుందని ఆశాభావం వ్యక్తం చేసారు.
ఇదీ చదవండి: వెంకటేష్ భార్య నీరజా రెడ్డి గురించి ఎవరికీ తెలియని షాకింగ్ నిజాలు..
ఇదీ చదవండి: పెళ్లి తర్వాత భారీగా పెరిగిన శోభిత ఆస్తులు.. ఎవరి ఎక్స్ పెక్ట్ చేయరు..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
