Amazon Prime Device Limit : ప్రైమ్ వీడియో కొత్త డివైస్ పరిమితి కారణంగా భారతీయ వినియోగదారులు ఇబ్బందులు ఎదుర్కొంటున్నారు. ఒక అకౌంట్‌కు గరిష్టంగా ఐదు డివైస్‌ల వరకు అనుమతించబడుతుంది, అందులో రెండే టీవీలు కావాలి. వినియోగదారులు అదనపు డివైస్‌ల కోసం మరొక సబ్‌స్క్రిప్షన్ తీసుకోవాల్సి ఉంటుంది.
ప్రైమ్ వీడియో ఇటీవల తన డివైస్ పరిమితిని కఠినతరం చేయడంతో.. భారతీయ వినియోగదారులు అసంతృప్తి వ్యక్తం చేస్తున్నారు. ఒక అకౌంట్‌లో గరిష్టంగా ఐదు డివైస్లను మాత్రమే అనుమతించనుండగా, వాటిలో రెండే టీవీలు కావాలి. మరిన్ని డివైస్లను ఉపయోగించాలంటే, వినియోగదారులు అదనపు సబ్‌స్క్రిప్షన్ తీసుకోవాల్సిన అవసరం ఉంది.
కొత్త పరిమితి ప్రకారం, వినియోగదారులు ఏ డివైస్లను లింక్ చేయాలో స్వేచ్ఛగా నిర్ణయించుకోలేరు. అంతే కాకుండా, నెలకు గరిష్టంగా రెండు డివైస్లను మాత్రమే రిమూవ్ చేసే అవకాశం ఉంది. అంటే, టీవీ చెడిపోయినా లేదా అవసరం మారినా, వినియోగదారులు నెలంతా ఏమి చేయలేక దాన్ని అలానే వదిలేయాల్సి.. వస్తోంది.
వాస్తవానికి, ఇంతకు ముందు వరకు..ఒకే కుటుంబంలోని సభ్యులు పలు డివైస్‌లపై తమ అకౌంట్‌ను షేర్ చేసుకునే పరిస్థితి ఉంది. కాబట్టి ఇప్పటికే ఎంతోమంది తమ డివైస్లను ఈ ప్రైమ్ లో యాడ్ చేసుకో ఉంటారు. ఇలా ఏమి చెప్పకుండా.. ప్రైమ్ వారు కొత్త నిర్ణయం తీసుకోవడంతో…ప్రస్తుతం ముందు యాడ్ చేసి, ఇప్పుడు వాడకుండా ఉండే టీవీలను ఫోన్లను ఎలా రిమూవ్ చేయాలో కూడా.. ఎవరికి అర్థం కావడం లేదు. అంతేకాదు తొందరలో ఏవో రెండు డివైసులు తీసేసిన వారికి.. ఆ తర్వాత ఇక మీరు రిమూవ్ చేయలేరు అని వస్తోంది. దాంతో ఈ నెల అంతా ఇక వారి మొబైల్ లో టీవీలో సినిమాలు చూడలేము అని బాధపడుతున్నారు యూజర్స్.
ముఖ్యంగా పెద్ద కుటుంబాలు ఒకే సబ్‌స్క్రిప్షన్‌తో చాలా మంది కంటెంట్‌ను ఆస్వాదించాలనుకుంటారు. అయితే, ఈ కొత్త నియమాలు వీరికి అదనపు భారంగా మారాయి. ప్రైమ్ వీడియో తీసుకొచ్చిన ఈ మార్పులపై నెటిజన్లు తీవ్ర అసంతృప్తి వ్యక్తం చేస్తున్నారు. "డివైస్ లిమిట్ రీచ్‌డ్" అనే మెసేజ్ రావడంతో చాలా మంది వినియోగదారులు తమ కుటుంబ సభ్యులకు మరిన్ని సబ్‌స్క్రిప్షన్లు తీసుకోవాల్సిన పరిస్థితి ఏర్పడింది. ఇది చాలా మందికి ఆర్థికంగా భారంగా మారుతోంది.
విశ్లేషకుల అభిప్రాయం ప్రకారం, భారత మార్కెట్‌కు ఈ విధమైన పరిమితులు అంతగా అనుకూలంగా ఉండవు. దేశంలో చాలా మంది కుటుంబ సభ్యులు ఒకే అకౌంట్‌ను పంచుకుంటారు. దీంతో, కొత్త పరిమితులు వినియోగదారులకు అనుకూలంగా మారేలా మార్పులు చేయాల్సిన అవసరం ఉందని నిపుణులు సూచిస్తున్నారు. ఇలాంటి పరిమితులను పశ్చిమ దేశాల్లో ఇప్పటికే అమలు చేస్తున్నారు. నెట్‌ఫ్లిక్స్ ఇప్పటికే పాస్‌వర్డ్ షేరింగ్‌ను అడ్డుకునే చర్యలు చేపట్టింది. ఇప్పుడు ప్రైమ్ వీడియో కూడా డివైస్ లిమిట్ అమలు చేయడం ప్రారంభించింది. అయితే, భారతీయ వినియోగదారులు ఇప్పటివరకు ఈ విధమైన పరిమితులను చూడలేదు. కాబట్టి, వీటికి సరైన మార్గదర్శకాలు అవసరమని భావిస్తున్నారు.
OTT ప్లాట్‌ఫారమ్‌లు వినియోగదారుల ఫీడ్‌బ్యాక్‌ను గమనిస్తూ, కొన్ని మార్పులు చేయవచ్చు. భారత మార్కెట్‌ను దృష్టిలో పెట్టుకుని, ప్రైమ్ వీడియో తన నియమాలను కొంత సడలించే అవకాశం ఉంది. అయితే, ప్రస్తుతం అమలు చేస్తున్న డివైస్ పరిమితి వినియోగదారులపై ఎంత ప్రభావం చూపుతుందో గమనించాల్సి ఉంటుంది.
