EPFO: ఉద్యోగులకు ఎంప్లాయిస్ ప్రావిడెంట్ ఫండ్ ఆర్గనైజేషన్ ఈపీఎఫ్ఓ మరోసారి ఛాన్స్ ఇచ్చింది. ఈఎల్ఐ స్కీమ్ ద్వారా నెల జీతం ఫ్రీగా పొందవచ్చు. ఇందుకు యూఏఎన్ యాక్టివేషన్ గడువును మరోసారి పొడిగించింది. ఫిబ్రవరి 15వ తేదీ వరకే అవకాశం ఉంటుందని తెలిపింది. మరి వెంటనే మీ యూఏఎన్ యాక్టివేట్ చేసుకోండి.
UAN Activation: మరోసారి కీలక నిర్ణయం తీసుకుంది ఉద్యోగుల భవిష్య నిధి సంస్థ. ఉద్యోగులకు కేంద్ర ప్రభుత్వం అందిస్తూన్న ప్రోత్సాహకాలను అర్హులైన వారికి చేర్చేందుకు మరో ఛాన్స్ కల్పించింది. యూఏఎన్ యాక్టివేషన్, బ్యాంక్ అకౌంట్ తో ఆధార్ లింక్ సంబంధించిన గడువును మరోసారి పొడిగించింది.
ప్రస్తుత ఆర్థిక సంవత్సరంలో కొత్తగా ఉద్యోగంలో చేరిన వారికి కేంద్ర ప్రభుత్వం ఎంప్లాయిమెంట్ లింక్డ్ ఇన్సెంటివ్ స్కీమ్ ద్వారా కల్పిస్తూన్న ప్రోత్సహల కోసం సదరు అర్హులైన ఉద్యోగులు తమ యూఏఎన్ యాక్టివ్ లో ఉంచుకోవాలని కోరింది. యూఏఎన్ యాక్టివేషన్ కోసం మరో ఛాన్స్ కల్పించింది. యూఏఎన్ యాక్టివేషన్ గడువును ఫిబ్రవరి 15, 2025 వరకు పొడిగించింది.
యూఏఎన్ యాక్టివేషన్, బ్యాంక్ అకౌంట్ ఆధార్ సీడింగ్ గడువు ఇప్పుడు ఫిబ్రవరి 15వ తేదీ వరకు ఉంటుంది. ఆ లోపు యాక్టివేట్ చేసుకున్న వారికి ఈపీఎఫ్ఓ ఎంప్లాయిమెంట్ లింక్డ్ ఇన్సెంటివ్ స్కీమ్ ద్వారా ఆర్థిక సాయం లభిస్తుంది. ఈ పథకం ద్వారా కేంద్ర ప్రభుత్వం కొత్తగా ఉద్యోగంలో చేరినవారికి ఒక నెల జీతం పోత్సాహకంగా అందిస్తోంది.
ఈ మేరకు గడువును పొడిగిస్తున్నట్లు ఫిబ్రవరి 2,2025రోజునే కేంద్ర కార్మిక, ఉపాధి కల్పన మంత్రిత్వ శాఖ ఓ సర్క్యూలర్ ను జారీ చేసింది. కంపెనీల యాజమాన్యాలు ఇందుకు తగిన చర్యలు తీసుకోవాలని కోరింది. అర్హులైన వారికి ఈఎల్ఐ ప్రయోజనాలు లభించేలా యూఏఎన్ యాక్టివేట్ చేసేందుకు కృషి చేయాలని కోరింది.
ఈ పథకాన్ని బడ్జెట్ 2024లోనే కేంద్ర ప్రభుత్వం ప్రకటించింది. ఇందులో రెండు కేటగిరీల్లో ఉంటుంది. స్కీమ్ ఏ ద్వారా కొత్త ఉద్యోగం లో చేరిన వారికి ఒక నెల జతం ఆర్థిక సాయం అందిస్తారు. స్కీమ్ బీ ద్వారా తయారీ రంగంలోని కంపెనీలు కొత్తగా ఉద్యోగాలు కల్పిస్తే వాటికి ప్రోత్సాహకాలను అందిస్తారు. స్కీమ్ సీ ద్వారా అదనపు ఉద్యోగాలు కల్పించిన కంపెనీలకు ప్రోత్సాహకాలను కల్పిస్తారు.
యూఏఎన్ యాక్టివేట్ ప్రాసెస్: ముందుగా ఈపీఎఫ్ఓ మెంబర్ పోర్టల్ www.epfindia.gov.inలోకి అవర్ సర్వీసెస్ సెలెక్ట్ చేసుకోవాలి. ఆ తర్వాత ఫర్ ఎంప్లాయీస్ ఆప్షన్ సెలక్ట్ చేసుకోవాలి. ఆ తర్వాత మెంబర్ యూఏఎన్ లేదా ఆన్‌లైన్ సర్వీసెస్ మీద క్లిక్ చేయాలి. ఇప్పుడు కొత్త పేజీ వస్తుంది. అందులోని ఇంపార్టెంట్ లింక్స్‌లో యాక్టివేట్ యువర్ యూఏఎన్ పై క్లిక్ చేసి.. మీ యూఏఎన్, పేరు, పుట్టిన తేదీ, మొబైల్ నంబర్ వంటి వివరాలు ఎంటర్ చేసి క్యాప్చా కోడ్ ఎంటర్ చేసి గెట్ ఆథరైజేషన్ పిన్ పై క్లిక్ చేసుకోవాలి. మీ రిజిస్టర్డ్ మొబైల్ నంబర్‌కి ఓటీపీ వస్తుంది.ఇప్పుడు ఓటీపీ ఎంటర్ చేసి..ఐ అగ్రీపై క్లిక్ చేసి వాలిడేట్ ఓటీపీ అండ్ యాక్టివేట్ యూఏఎన్ పై క్లిక్ చేస్తే చాలు
