Cement Price Drop in India: ఇల్లు కట్టి చూడు.. పెళ్లి చేసి చూడు.. అని ఓ సామెత అందరికీ తెలిసిందే. అప్పట్లో ఏమో గానీ.. ఇప్పుడు మాత్రం ఓ ఇల్లు నిర్మించాలంటే సాధారణ ప్రజలు సర్వంధార పోయాల్సిందే. పెరిగిన నిర్మాణ ధరలతో చుక్కలు కనిపిస్తున్నాయి. ముఖ్యంగా సిమెంట్ ధరలు భారీగా ఉన్నాయి. ఈ నేపథ్యంలోనే గృహ నిర్మాణదారులకు ఇది గుడ్న్యూస్ అని చెప్పవచ్చు.
సిమెంట్ ధరలు ఐదేళ్ల కనిష్ట స్థాయికి చేరుకున్నాయి. రానున్న కాలంలో సిమెంట్ ధరలు పెరిగే అవకాశాలు కనిపించడం లేదని నిపుణులు చెబుతున్నారు.
మార్కెట్లో తీవ్రమైన పోటీ కారణంగా.. సిమెంట్ ధరలు తగ్గినట్లు నిపుణులు చెబుతున్నారు. ఆశించిన స్థాయిలో డిమాండ్ లేకపోవడంతో భవిష్యత్లో పెరిగే అవకాశాలు తక్కువగా ఉన్నాయంటున్నారు.
మళ్లీ డిమాండ్ పెరిగే వరకు ధరలు స్థిరంగా ఉంటాయని మార్కెట్ వర్గాలు వెల్లడిస్తున్నాయి. వచ్చే ఆర్థిక సంవత్సరంలో సిమెంట్ వినియోగం పెరిగే అవకాశం ఉందని అంచనా వేస్తున్నారు.
మౌలిక సదుపాయాల ప్రాజెక్టుల నిర్మాణం, గ్రామీణ, పట్టణాల్లో గృహాల నిర్మాణం, రియల్ ఎస్టేట్ కార్యకలాపాల పెరుగుదలతో సిమెంట్కు డిమాండ్ ఏర్పడుతుందని అంటున్నారు.
ప్రస్తుతం సిమెంట్ రంగంలో సవాళ్లను ఎదురవుతున్నా.. FY26 నుంచి మార్కెట్ పరిస్థితులు, ధరల ట్రెండ్లలో ఆశించినస్థాయిలో పెరుగుదల ఉంటుందని యెస్ సెక్యూరిటీస్ నివేదిక వెల్లడించింది.
