Vardhaman Jain Donates Rs 6 Crore To Tirumala Temple, భక్తుల ఇలవేల్పుగా పేరుగాంచిన ప్రసిద్ధ తిరుమల క్షేత్రానికి మరో భారీ విరాళం అందింది. శ్రీవారిని దర్శించుకున్న అనంతరం ఓ భక్తుడు ఆలయానికి రూ.6 కోట్ల విరాళం ప్రకటించాడు. విరాళానికి సంబంధించిన డీడీలను ఆలయ అధికారులకు సమర్పించారు. ఆయన ఎవరో తెలుసా?
తిరుమల తిరుపతి దేవస్థానానికి విరాళాల వెల్లువ కొనసాగుతోంది. హుండీల్లో భారీగా కానుకలు లభిస్తుండగా.. అదేస్థాయిలో విరాళాలు కొనసాగుతున్నాయి.
తిరుమల ఆలయానికి మరో భారీ విరాళం దక్కింది. రూ.6 కోట్ల నగదును చెక్కురూపంలో ఓ భక్తుడు సమర్పించాడు. ఈ వార్త తిరుమలలో చర్చనీయాంశంగా మారింది.
తమిళనాడులోని చెన్నైకి చెందిన వైద్యుడు వర్ధమాన్ జైన్ టీటీడీ ట్రస్టులకు రూ.6 కోట్లు విరాళంగా అందించారు. తిరుమల ఆలయంలోని రంగనాయకుల మండపంలో వర్ధమాన్ చెక్కులను ఆలయ అధికారులకు ఇచ్చారు.
రూ.6 కోట్లలో ఎస్వీబీసీ కోసం రూ.5 కోట్లు, ఎస్వీ గో సంరక్షణ ట్రస్ట్ కోసం రూ.కోటి విలువైన డీడీలను వర్ధమాన్ జైన్ అందించారు. గతంలో కూడా వర్ధమాన్ జైన్ పలుమార్లు భారీ విరాళాలు అందించారు.
టీటీడీ అదనపు ఈఓ సీహెచ్ వెంకయ్య చౌదరికి విరాళానికి సంబంధించిన డీడీలను వర్ధమాన్ కుటుంబసభ్యులు అందజేశారు. అంతకుముందు తిరుమల వేంకటేశ్వర స్వామిని దాత కుటుంబసమేతంగా దర్శించుకున్నారు. దాత కుటుంబాన్ని ఆలయ అధికారులు సన్మానించి తీర్థ ప్రసాదాలు అందించారు.
తిరుమలలో భక్తుల సంఖ్య అనూహ్యంగా పెరిగింది. వైకుంఠ ద్వార దర్శన చివరి రోజు సందర్భంగా ఆలయానికి భక్తులు పోటెత్తారు. తిరుమల గిరులు భక్తులతో కిటకిటలాడాయి.
