Happy Birthday KL Rahul: టీమిండియా ఓపెనర్, లక్నో సూపర్ జెయింట్స్ కెప్టెన్ కేఎల్ రాహుల్ నేడు 31వ బర్త్ డే జరుపుకుంటున్నాడు. ఈ ఏడాదే ఓ ఇంటివాడైన రాహుల్.. పెళ్లి అయిన తర్వాత తొలి పుట్టినరోజు కావడంతో ఎంతో ప్రత్యేకంగా మారింది. ఇటీవలె ఐపీఎల్‌లో చరిత్రలో అత్యంత వేగంగా 4 వేల పరుగులు పూర్తి చేసిన బ్యాట్స్‌మెన్‌గా నిలిచిన రాహుల్.. బర్త్ డే సెలబ్రేషన్స్‌ను గ్రాండ్‌గా చేసుకోనున్నాడు.
లక్నో జట్టును కేఎల్ రాహుల్ విజయపథంలో నడిపిస్తున్నాడు. గత సీజన్‌లో ప్లే ఆఫ్స్‌కు చేర్చగా.. ఈ సీజన్‌లో ఆడిన ఐదు మ్యాచ్‌ల్లో మూడింట గెలిపించాడు. ప్రస్తుతం పాయింట్ల పట్టికలో లక్నో రెండో స్థానంలో ఉంది.
వన్డే అరంగేట్రంలోనే సెంచరీ బాదిన ఏకైక భారత బ్యాట్స్‌మెన్ కేఎల్ రాహుల్. జూన్ 2016లో జింబాబ్వేపై రాహుల్ ఈ ఘనత సాధించాడు.
మార్చి 2017 నుంచి ఆగస్టు 2017 వరకు టెస్టు క్రికెట్‌లో వరుసగా 7 అర్ధశతకాలు సాధించిన రికార్డు కేఎల్ రాహుల్ పేరు మీద ఉంది. ఈ ఘనత సాధించిన ఏకైక భారత బ్యాట్స్‌మెన్ అతనే కావడం విశేషం.
కేఎల్ రాహుల్ ఈ ఏడాది జనవరిలో బాలీవుడ్ స్టార్ అతియా శెట్టిని వివాహం చేసుకున్నాడు. అతియా బాలీవుడ్ స్టార్ సునీల్ శెట్టి కుమార్తె. 2021లో నుంచి వీరిద్దరు డేటింగ్‌లో ఉన్నారు.
టెస్టుల్లో పేలవ ఫామ్‌తో వైస్ కెప్టెన్సీని కోల్పోయాడు. ఆ తరువాత వన్డే సిరీస్‌లో వెంటనే తన బ్యాట్‌తో విమర్శకుల నోళ్లు మూయించాడు. ప్రస్తుతం ఐపీఎల్‌లో సూపర్ ఫామ్‌లో ఉన్నా కేఎల్ రాహుల్. ఐదు మ్యాచ్‌ల్లో 155 పరుగులు చేశాడు.
