Sankranthi Bhogi Special Muggulu 2024: మకర సంక్రాంతి రోజు వాకిలిని ముగ్గులతో అలంకరించడం ఆనవాయితీగా వస్తోంది. మన పూర్వీకులు కూడా ఈ పండగ రోజు ముగ్గులు పెట్టే వారిని పురాణాలు చెబుతున్నాయి. అయితే మీరు కూడా ముగ్గులు వేయాలనుకుంటున్నారా? మీకోసం మంచి డిజైన్స్ ని అందించబోతున్నాం.
Sankranthi Bhogi Special Muggulu 2024: తెలుగు రాష్ట్రాల ప్రజలకు సంక్రాంతి పండగ ఎంతో ముఖ్యమైనది. ప్రతి సంవత్సరం ఈ పండగను ఎంతో ఘనంగా జరుపుకుంటారు. కోడిపందాలు, సన్నాయి మోతలు గంగిరెద్దుల ఆటలు, చుక్కల ముగ్గులతో పల్లె ప్రాంతాలతో పాటు నగరాలు సంబరాలతో నిండి ఉంటాయి. ముఖ్యంగా సంక్రాంతి అంటే చెప్పుకోదగినవి చాలా ఉన్నాయి. అందులో ఉదయాన్నే లేచి ముగ్గులు వేయడం ఒకటి.
సంక్రాంతి పండగ రోజు ప్రతి మహిళ ఉదయాన్నే లేచి ఎంతో అందమైన ముగ్గులను వాకిట్లో అలంకరిస్తారు. ఒకటి కాదు రెండు కాదు పండగ రోజు వాకిలి నిండా ముగ్గులు వేసి ముస్తాబు చేస్తారు. ఈ సంవత్సరం మీరు కూడా మంచి ముగ్గును వేయాలనుకుంటున్నారా అయితే ఈ ఫోటో గ్యాలరీ మీకోసమే..
ముగ్గులతో ప్రారంభమైన పండగ సన్నాయి మోతలతో రోజంతా కొనసాగుతూనే ఉంటుంది. అయితే ప్రతి ఒక్కరు తమకిష్టమైన ముగ్గును ముందు రోజే ఎంచుకొని దానికి కావాల్సిన రంగులను కొనుగోలు చేస్తారు. మరి కొంతమంది అయితే ఓ పేపర్ పై ముందుగానే వేయాల్సిన ముగ్గును గీసుకుంటూ ఉంటారు.
మరి కొంతమంది అయితే ఎంచుకున్న ముగ్గులను ముందుగానే భోగి పండగ రోజు వాకిట్లో ప్రాక్టీస్ చేస్తారు. ప్రతి ఒక్కరు పండగ రోజు ఎలాంటి ముగ్గు వేసిన వాటి పక్కన మాత్రం తప్పకుండా గంగిరెద్దు ముగ్గును వేస్తారు.
మకర సంక్రాంతి రోజు ముగ్గులు వేయడం ఓ ఆనవాయితీగా వస్తోంది. పురాణాల ప్రకారం ప్రతి సంక్రాంతి పండగ రోజు పూర్వీకులు ముగ్గులు వేసుకునే వారట. అంతేకాకుండా ముగ్గులలో తప్పకుండా ఆవు పేడతో చేసిన గొబ్బెమ్మలు పెట్టే వారట.
ఇప్పటికి కూడా పల్లె ప్రాంతాలలో పురాతన కాలం నుంచి వస్తున్న ముగ్గులను వేయడమే కాకుండా గొబ్బెమ్మలను కూడా పెడుతున్నారు. మరి కొంతమంది అయితే ముగ్గులు పెట్టిన తర్వాత వాటిని బంతిపూలతో కూడా అలంకరిస్తూ ఉంటారు.
మకర సంక్రాంతి రోజు ఇంటి ముందు ముగ్గులు పెట్టడం వల్ల సాక్షాత్తు లక్ష్మీదేవికి ఆహ్వానం పలికినట్లేనని పూర్వికులు చెబుతూ ఉంటారు. అందుకే ప్రతి సంవత్సరం మకర సంక్రాంతి రోజు ముగ్గులు పెట్టడం ఓ ఆనవాయితీగా వస్తోంది. అంతేకాకుండా కొంతమంది ముగ్గులలో రేగి పండ్లను కూడా పెడుతూ ఉంటారు.
